Öz muhbirimiz Iltebir heber qilidu: Bu yil 11- ayning 11- küni Türkiyening Istanbul shehride, 1933- yili Qeshqer`de qurulghan " Sherqiy Türkistan Islam Jumhuriyeti"ning 66-yilliqi we 1944-yili Ghulji`da qurulghan "Sherqiy Türkistan Jumhuriyiti"ning 55-yilliqi munasiwiti bilen hatirilesh paaliyiti ötküzüldi. Türkiyediki " Sherqiy Türkistan Weqpi " bilen Istanbul Üniwersititi Ormanchiliq Fakultitining oqughuchiliri teripidin uyushturulghan we mezkur Fakultitning yeghin zalida ötküzülgen bu qitimqi hatirlesh yighinida , "Sherqiy Türkistan ( Uyghuristan ) Milliy Qurultiyi"ning pehri reisi we "Sherqiy Türkistan Wehpi"ning reisi Geniral Muhemmet Riza Bekin bashchiliqidiki bir türküm Sherqiy Türkistan `liqlar we Istanbul Üniwersititining bezi oqutquchi – oqughuchiliri ishtirak qildi.

Hatirilesh paalyitide aldi bilen Geniral Muhemmet Riza Bekin söz qilip , eyni chaghda Sherqiy Türkistan `da qurulghan ikki Jumhuriyet heqqide etrapliq melumat berip ötkendin keyin , kommunist Hitay hakimiyining nöwette Sherqiy Tüskistan helqi üstidin yürzüziwatqan insan qelipidin chiqqan wehshi siyasetlirini qattiq eyiplesh bilen birge, Türkiye helqini özliri bilen tildash , dindash , qandash bolghan Sherqiy Türkistanliq qerindashlirining milliy musteqilliq herikitini qollap – quwwetleshke chaqirdi.

Hatirlesh yeghining ahirida , Türkiyening Istanbul shehride yashaqatqan Uyghurlar teripidin qurulghan ishtin – sirtqi senet ömigi yegin ehlige , uyghurche nahsha – usul nomurlirini orundap berdi.