|
1999-yili 11-ayning 10-küni Beijing Fransiye Agentliqi Hewiri Hitayning eng gherbige jaylashqan Shinjiang Uyghur Aptonom Rayonidiki yerlik gezit hewer qilip, Shinjiang Ishlepchiqirish Qurulush Bingtuanining 4-Diwiziyisi Sot Mehkimisi 18 yash Uyghurni "Wetenni azat qilish yoshurun teshkilatiy" qurghanliqi we "eksilinqilabiy teshwiqat, idiyeler"ni tarqatqanliq jinayiti bilen qolgha elip höküm elan qilghan. Ürümchide chiqidighan gezitte eytilishiche bu Uyghur yashliri 1998-yilining 5-,we 6- ayliri eksilinqilabiy siyasiy teshwiqat we idiyelerni tarqatqandin sirt yene ammiwiy yighilishlarni uyushturup, eksilinqilabiy kitap we gezit-jornallarni yighip tarqatqan. Gezitning hewirige asaslanghanda ular eksilinqilabiy paaliyet elip beriwatqan neq meydanda qolgha elinghan. Sot mehkimisining chiqarghan hökmide "Ularning bu qilkmishliri wetenning birligi we döletning tenchliqigha intayin eghir ziyan salghan bolup bu eksilinqilabiy bashliqi bolghan Muhaamat Abdulla Sidiqqa muddetlik 15 yilliq qamaq jazasiy, bashqilargha bolsa ayrim-ayrim halda on besh yildin bir yilghichilik muddetlik qamaq jazasigha höküm qilghanliqini elan qilghan. Shinjiang Ishlepchiqirish Qurulush Bingtuani dep atalghan bu herbiy haraktirge ige guruh 50-yillardin etibaren Shinjiangda yerlishishke bashlighan bolup, hazirghiche nurghun esker we ahalilerni bu rayongha yötkep orunlashturdi. Hazir ularning nopusi Shinjiangdiki bashqa Hitay ahalisiy bilen qoshulup yerlik ahalining nopusini besip chüshmekte. |