"Sherqiy Türkistan Informatsiyon Merkizi" terpidin qolgha çüshürgen "Xinjiang Jamaet hewipsizliki Geziti"ning 1999 – yili 9 –ayning 27 – künidiki sanigha besilghan bir hewerning mezmunigha asaslanghanda, Yeqinqi mezgilllerdin buyan " Bayinghulin Mongghul Aptonum Oblasti"da Hitaygha qarshi qoralliq herketler intayin téz sürette tereqqi qilishqa bashlighan.

Atalmish " Xinjiang Uygur Aptonum Rayunluq Jamaet Hewpsizlik Nazariti"ning teshwiqat bashqarmisi teripidin neshir qiliniwatqan mezkur gezitte yerlik, "Bayinghulin oblastida partilitishqa çetishliq jinayi herketlerge qattiq zerbe berish mehsus körishining tereqqiyati téz boldi" digen temidiki maqalida eynen töwendikiler bayan qilinghan:

"Yeqinda Bayinghulun mongghul oblastidiki herderijilik jamaet hewpsizlik organliri, partilitishqa çetishliq çong – çong yip uçlirini retlep çiqip, partilitish jinayitige çetishliq zor bir türküm qanunsiz qoral - yaraq, oq – dorilarni yighiwaldi.

6 – ayning 18 – küni Çerçen nayélik jamaet hewipsizlik idarisi aktip ishlesh arqiliq, birtürküm qanunsiz qoral-yaraqtin 391 pay yighiwaldi.

6 – ayning 20 – küni Körla sheherlik jamaet hewipsizlik idarisi qoralni yighiwélip, partilatquç boyimlarni tizginlesh boyiçe bir tutash eniqlash herkiti élip berip, birdane tapança we 32 pay oq, 24 metir pilik yighiwaldi.

7 – ayning 2 – küni Qarasheher nahiyélik jamaet hewipsizlik idarisi mohim bir yip uçigha eriship, bu yip uçi arqiliq 8 dane qanunsiz qoral, 14 pay oq, 72 tal pistan, 100 kg partilatquç dora, 1200 kg tömür – alyumin arlashmisini yighiwaldi.

7 – ayning 1 – küni Hejing nahyélik jamaet hewipsizlik idarasi tashyol saqlash saqçiliri çong etritining Balghuntay ottura etiritidikiler keçisi çarlash élip beriwetip, bir yükaptumbilidin özi yasighan bir partilatquç dora yasash mashinisi, 15 kg qara miltiq dorisi.... qatarliqlarni tekshürüp qolgha çüshürdi" .

Hurmetlik wetendashlar, gerçe yuqarqi hewerde qoralliq toqunushlar heqqide melumat berilmey, peqetla "Qanunsiz " qoral-yaraqlarni yighiwalghaliqi bayan qilinghan bolsimu, emma biz mezkur hewerni oqush arqiliq, Bayinghulin rayonining siyasiy weziyitining qaysi derijige berip yetkenlikini asanla tessewwur qiliwalalaymiz. Atalmish "Bayinghulin Mongghul Aptonum Oblasti" qarmiqida bir sheher 8 nahye mewjut bolup, yuqurqi hewerde,

Çerçen, Korla, Qarasheher we Hejing qatarliq bir sheher we 3 nahyede kopligen "qanunsiz" qoral – yaraqlarning bayqayghanliqi bayan qilinghan, dimek bu, Hitaygha qarshi qoralliq herketlerning pütün Bayinghulin rayunigha qarap kengiyishke bashlighanliqini we Sherqiy Türkistanning jenubi rayonliridiki qoralliq küreshlerning taki Hotendin tartip Ürümçige qeder bir lenye boyiçe janliniwatqanliqini roshen halda körsütüp beridu.