"Sherqiy Türkistan Informatsiyon Merkizi" terpidin qolgha çüshürgen "Xinjiang Qanunçiliq Geziti"ning 1999 – yili 10 –ayning 12 – künidiki sanida hewer qilishiçe, Aqsu wilayetlik ottursot mehkimisi oçuk sot yighini eçip, Nemet Dawut, Tuniyaz Rozi, Mihriban Tohti ( Aayal ), Turdi Memet, Asiyem Shemsi, Tursun Mamut, Salahiddin Yasin qatarliq 7 nefer Uygurni "Zorawan terorisni uzun muddet yushurghan, qoral we oq – dora saqlighan, oq - dora yasighan, qoligha piçaq élip saqçilarni qoghlighan...." digendek tohmetler bilen turlik qamaq jazalirigha höküm qilghan.

Yuqurqi gezitning hewirige qarighanda, Imin Hashim isimlik Uygur 1997 – yili 8 – ayning 13 – küni Aqsuning Ayköl bazar Qaratagh rayonida 5 neper Hitay aqqunni öltürwétip qéçip ketken, Imin Hashim bir yildin artuq yushurun yürüp ahiri 98 – yili 11 – ayning 14 – küni Hitay saqçilarning qorshawi astigha çüshüp qélip, saqçilar bilen jeng qilish jeryaninda Shehid bolghan.

Hitay hökümitining Bayan qilishiçe, yuqurida hökümge élan qilghanlar eneshu Imin Hashimni uzun muddet yushurghanlarmish. Emma, Hitay dairlirining tuhumdin tük ündürüp mana mushundaq yalghan – yawdaq töhmetler bilen bigunah insanlarni qolgha élip türmige tashlishi we naheq halda ölümge mehkum qilishi Sherqiy Türkistanda adettiki bir ishqa aylinip qaldi, buhil ehwallar, merkizi Londonda bolghan "Helqara keçürüm teshkilat"ning bu yilning bashlirida mehsus Sherqiy Türkistan heqqide élan qilinghan 92 betlik omumi doklatidimu alahide tilgha élinghan idi.