Öz muhbirimiz Uçqunning bu yil 9- ayning 20 küni wetendin gezitimizge biwaste yollighan bir parçe qisqa hetide eynen mundaq dep bayan qilinghan: "Hazir Hoten wilayiti boyiçe herqaysi nahiyilerning saqçilirini öz ara almashturdi hemde ularni puhraçe kiyindürüp helq arsigha singdürüshke bashlidi. Hazir Hotende heçkim heçkimning gepige ishenmeydighan, balisi dadisidin gumanlinidighan bir hil yaman weziyet peyda qilmaqta. Aldinqi septe mengiwatqanlar yenila bizning Uygur munapiq saqçilirimiz, ularning beziliri shunçilik heddidin eship kettiki, "Mening dadam milliy bölginçi bolsa, dadamnimu tutup berimen!" digen munapiqlarmu bar iken. Ular puhralarni özliri gepke selip, arqidinla yeneshu özliri bigunah puhralarni tutup ekirip ketmekte "türmini dimekçi". Hoten rayonidiki pütkül aililikler qorolirida her 10 aililikni bir guruppa qildi, bir sini yene birsige paylaqçi qilip qoydi, heçkim bir eghizhatirjem gep qilalmaydighan sharait peyda qilip qoydi. Jemiyettin bezi pulpereslerni künlükige qimmet bahada setiwelip, ularni koça aptobusi we adem köp olturaqlashqan mehelle- bazarlargha singdüriwetti, ular bekla esebiliship ketti, emma shularning hemmisi digüdek öz millitimizdin çiqqan munapiqlar". ( Yuqarqi inkas hetni qisqartimay we qilçe qelem tekküzmey eynen diqqitinglargha sunduq. Tehrirdin ) |