Alahide muhbirimiz Uçqunning bu yil 9- ayning 18- küni wetendin biwaste bergen hewirige asaslanghanda, bir qançe heptidin bu yan Hoten rayonida yüzberiwatqan Hitay hakimiyitige qarshi qoralliq heriketlerdin qattiq alaqzade bolghan Hitay dairliri, 9- ayning 18- küni hapila- shapila atalmish "Aptonom Rayonluq Partikom"ning daimi heyet ezasi Ismayil Tiliwaldiniy Hotendiki siyasi weqelerni biwaste bir terep qilishqa iwetken. Ismayil Tiliwaldi Hotenge yetip kélipla, shuküni çüshtin keyin Hotendiki herderijilik qorçaq emeldarlarni toplap jiddi yighin eçip, "Aptonom Rayonluq Partikom"ning yolyoriqini yetküzgen. Ismayil Tiliwaldi yighinda sözqilip mundaq digen: "Hoten wilayitining muqimliqi- Hoten shehrige baghliq, Shin Jiangning muqimliqi- Hoten wilayitige baghliq. Men Hoten wilayitige bundin burunmu ikki qétim kelgen, emma bu qétim weziyet burunqidin hélila murekkep iken. Diniyy esebi küçler ashkare halda partiye- hökümetke, helq saqçilirimizgha qoralliq hujum bashlaptu, men kelgendin keyinmu nurghun ishlar yüzberdi. Mesilen: Sidetüwi mesjididide (Beytulla mesjidiniy dimekçi ) ashkare ghazat teshwiq qilindi, nurbagh saqçi ponkitining bashliqi bashqilar teripidin qattiq zehmilendürülüp, dohtur hanida yetip qaldi, weziyet bekla jiddi, buninggha hemmimiz jiddi qarishimiz, dolet qurulghanliqining 50 yilliqini teniç kütüwélishimiz lazim". Ismayil Tiliwaldi bu qétimqi yighinda yene tekitlep mundaq digen: "Hemmimizning idiyiside "Çong ish Çiqidu" digen teyyarliq bolushi, herzaman milliy bölginçi unsurlar bilen köresh qilishqa teyyar turushumiz lazim. Eng çong hewip- yenila qanunsiz diniyy paaliyettin kélidu. Normal diniyy paaliyet bilen qanunsiz diniy paaliyetning çek- çegirsini eniq ayrishimiz, dinning döletning qanun- intizam, siyaset we nikah, maaripqa arilishishigha yol qoymasliqimiz lazim. Wetenperwer diniy zatlardin toluq paydilinip, partiyining diniy siyasitini toluq teshwiq qilishimiz lazim. Küresh etip öltürüldi, bu, biz üçün ghélibe, emma buningliq bilen ehtiyatçanliqni yoqutup quyushqa bolmaydu, Küresh shaykiliri yenila heriket qilmaqta, ularningmu çong ish çiqirish ihtimalliqi bar. Gerçe Küresh etip öltürülgen bolsimu, uning shaykiliri yasighan, ishlitiwatqan bomba- qorallar tehi toluq qolgha çüshkini yoq, buning özi çong bir hewip. Hökümet hadimliri qet‘i dingha ishinishke bolmaydu, eger hökümet hadimliridin namaz oqughan, diniy paaliyetlerge qatnashqanlar sezilip qalsa qattiq bir terep qilish lazim". Biz, qorçaq emeldar Ismayil Tiliwaldining yuqarqi sözliridin, nöwette Hoten wilayitining siyasi weziyitining neqeder bir jiddi basquçqa qedem qoyghanliqini we Hitay mustemlikiçilirining neqeder ghaljirlashlashqanliqini roshen halda toluq hes qiliwalalaymiz. |