Öz hewrimiz: yéqinda bash shitawi Germaniyediki "Sherqi Türkistan Informatsiyon Merkizi" terpidin "Internet Uygur Awazi Radiyosi" quruldi. Bu Radiyo 8- ayning 15- künidin étibaren sinaq teriqisida anglitish berishke bashlidi, resmi anglitish 9- aydin étibaren yolgha qoyulidu. Radiyo purogrammiliri Internet tori arqiliq pütün dunyagha tarqitilidu. "Sherqiy Tükistan Informatsiyon Merkizi"ning Pirezidenti Abdujélil Qaqash Ependi teripidin biwaste halda qurulghan "Internet Uygur Awazi Radiyosi" hazirgha qeder tashqi dunyada héçqandaq dölet yaki siyasi küçke béqinmay musteqil halda qurulghan tünji Uyghurçe radiyo anglitishi bolup, u, mezmon we daire jehettin héçqandaq bésim yaki çéklimige uçirimaydu.

Internet "Uyghur Awazi Radiyosi" ning Uygurçe anglitish purugrammiliri Sherqiy Türkistan we Hitayning nöwettiki weziyiti heqqidiki yéngi hewer- maqalilar, helqara hewerler, siyasi mulahize we obzor, neqmeydan radiyo söhbiti, tarih, din, edibiyat- senet qatarliq köphil mezmenni öz içige alidu we muntizim anglitish berilidu.

Pütün dunya Internet dewrige qedem qoyghan bügünki künde Internet "Uyghur Awazi Radiyosi" ning dunyagha kélishi- milliy teshwiqatimiz üçün tashlanghan zor tarihiy qedemlerning biri bolup hisaplindu, nöwette "Sherqiy Tükistan Infurmatsiyon Merkizi" ning qarmiqida "Tamçe" jornili, "Uçqun" heptilik geziti, Internet bölimi, tetiqat bölimi, neshiryat bölümi, tarqitish bölümi we Internet "Uygur Awazi Radiyosi" qatarliq organlar bar. "Uçqun" gezitining mesuli we bash tehriri Perhat Muhemmidi yengidin qurulghan "Uygur Awazi" radiyosining Deriktorliqini qushumçe üstige aldi.