1999-yili 23-April "Uçqun Geziti " 7-san hewiri.

Hitayda Hökümetke Qarshi Namayishlar

Chingdu shehride.

"Beijing Bahari" jornilining bu yil 5- ayliq sanigha bergen hewirige qarighanda, bu yil 3- ayning otturlirida Hitayning Chingdu sheherlik heliq hökimitining aldida hökimetke qarshi namayish ötküzgen kömürkan ishçiliri bilen tertip qoghdawatqan saqçilar ottursida éghir toqunushlar yüz bérip, on neper ishçi éghir yarilanghan, besh ishçi qolgha élinghan. Hewerge qarighanda Chingdudiki Dujiang kömür kénida ötken yili qattiq partlash yüzbérip, 23 neper Hitay ishçi neq meydanda ölgen. Bu seweptin Hökümet kömürkanni taqiwétken. Kömürkan taqalghandin kéyin, üç mingdin artuq ishçi ishsiz qalghan. Gerçe hökümet ishsiz qalghan ishçilargha 40 milyon yüen etrapida tölem puli ajratqan bolsimu, emma hökümettiki parihor emeldarlar bu pulning yérimigha hiyanet qilip böliship yéwalghan. Buninggha qattiq ghezeplengen ishçilar, bu yil 3-ayning 15- künidin étibaren her küni 24 saet Chingdu sheherlik hökümet binasining aldini tosiwélip, hökümetke qarshi naraziliq namayishi élip berishqa bashlighan.

Süining Shehride

Yéqinda Sichuan ölkisining Süining shehride héli mezgildin buyan maashini alalmay qiyin ehwalda qalghan hökümet qarmiqidiki mashinisazliq zawutining 700 din artuq ishçisi hökümetke qarshi naraziliq namayishi ötküzgen. Ular sheherning asasliq yollirini qamal qilip, pütün sheherning qatnishini paleç halgha çüshürüp qoyghan.

Wuhen Shehride

Bu yil 3-ayning 22- küni Hitayning Wuhen shehride mingdin artuq kishi hökümetke qarshi naraziliq namayishi ötküzgen.

Namayishning sewebi; Wuhen shehride hökümet qarmiqidiki bir shirket puqralardin yuquri ösüm bilen 500 milyon yüen qerz pul toplighan. Emma ölkilik hökümet ( Shrketni tertipke salimiz ) digen bahane bilen bu shirketning barliq banka hisabini tonglitiwetkeçke qerz igiliri shirkettiki pulini alalmighan. Ölkilik hökümetning bu qilmishigha qattiq ghezeplengen mingdin artuq qerz igisi, -Wuhen shehridiki Zhongguo bankisining aldigha toplunup namayish qilghan hemde u yerdin ölkilik hökümetning aldigha yürüsh qilip barghan.

Changchun Shehride

Yéqinda Changchün shehrining Chauyang rayonida 400din artuq sheher ahalisi, sherlik éliktir we su ishliri idarilirining sewepsizla bu idarilarning tok we süyini késiwetkenlikige naraziliq bildürüp namayish qilghan. Namayishçilar sheher merkizidiki bir asasliq köwrükni ishghal qiliwélip sheher qatnishini bir mehel üzüp qoyghan.

Xian Shehride

Bu yil 3-ayning 31- küni Xian shehride bir zawuttin heydelgen 400 nepr ishçi hökümetke qarshi naraziliq namayishi ötküzüp, hökümettin özlirining turmush qiyinçiliqini hel qilip beéishni telep qilghan. Bu ishçilar sheherdiki bir töt koçining eghizini qamal qilip tosuwalghaçqa neççe ming mashina yollarda qapsilip qalghan.

" Helqara Sherqi Türkistan Milliy Merkizi " ning Rehberliri Qzasakistan We Qirghzistanni Ziyaret Qildi

Öz muhbirimiz A. Tewpiqning Qasaqistandin bergen hewiri:

Bu yil 4- ayning 24- küni merkizi Istanbuldiki " Helqara Sherqiy Türkistan Milliy Merkizi" ning reisi Muhammad Riza Bekin, muawuin reisi Siyit Tarançi we milliy merkez qarmiqidiki "Weten Fondi" ning reisi Tursun Tarançi qatarliqlar Qazaqistanning Almata shehrige yétip kélip, Qasaqistanda paaliyet qiliwatqan herqaysi Uyghur teshkilatlirining wekilliri we bir qisim meshhur jamaet erbapliri bilen körüshti.

Reis Muhemmad Riza Bekin bu qétimqi deslepki uçrishishta ulargha " Helqara Sherqi Türkistan Milliy Merkizi" ning yétekçi idiyisi, teshkili qurulishi, ghayisi, wezipisi, we paaliyet programmisi heqqide tepsili we etrapliq melumat berdi. Shundaqla ular bilen milliy merkez we nöwette élip bériwatqan milliy dawa heqqide etrapliq we keng dairide pikir almashturdi.

4- ayning 25- küni çüshtin burun General Muhammad Riza Bekin bashçiliqidiki milliy merkez rehberliri, Almata shehride istiqamet qiliwatqan meshur jamaet erbabapliri, we milliy ustazimiz Ziya Semedini ziyaret qilip, uningdin milliy merkez namidin semimi hal sorash bilen birge, uning milliy mujadilige we milliy merkezning kelgüsi hizmetlirige qarita qimmetlik teklip-pikirlirini aldi.

Shu küni çüshtin kéyin milliy merkez rehberliri Almata shehride ötküzülgen " Ottura Asiya Yashlirining Tunji Nöwetlik Qurultiyi" gha qatnashti. Yashlar qurultiyida reis Muhammad Riza Bekin teklipke binaen söz qilip, nöwette weten sirtida Sherqiy Türkistan yashlar herkitini küçeytishning mohimliqini alahide tekitlidi.

4- ayning 26- küni çüshtin kéyin, milliy merkez reis Muhammad Riza Bekin, muawin reis Siyit Tarançi we fonda reisi Tursun Tarançilar Almata shehridiki penler akadimiyisining sariyida ötküzülgen Qasaqistan, Qirghizistan we Özbekistandin kelgen Uyghur teshkilatliri we jemiyetlirining mesullliri bilen uçrishish yighinigha ishtirak qildi. General Muhammad Reza Bekin bu qétimki uçrishishtimu Ottura Asiyadiki herqaysi teshkilat we jemiyetning mesullirigha milliy merkezning qurulushi we bu merkez qarmiqidiki herqaysi teshkilatlarning siyasiy paaliyetliri heqqide tepsili melumat berdi. Yighinda yene milli merkezning muawin reisi Siyit Tarançimu sözqilip, nöwette omumi yüzlük küçlük bir milliy birlikni barliqqa keltürüsh barliq helqimizning ortaq arzusi we milliy mujadilimizning jiddi teqezzasi ikenlikini bayan qildi.

4 – ayning 27 küni milli merkez rehberliri Qirgiyistangha yétip bérip Qirgizistanda paaliyet qiliwatqan Uyghur teshkilatlirini we bezi jamaet erbaplirini ziyarat qilip, ualrndin semimi halsoridi hemde ular bilen milli mujadilimizni yenimu tereqi qildurush heqqide özara pikir almashturdi.

4 – ayning 28- küni milliy merkez rehberliri Qirgizistandin tekrar Qazaqistangha qaytip kélip, Almuta shehrining Drujba rayonidiki Uyghurlar mehellisini ziyaret qilip, bu yerde yashawatqan Sherqiy Turkistanliq qérindashlardin millliy merkez namidin hal ehwal soridi.

4 – ayning 29 küni çushtin burun Geniral Muhammet Riza Bekin we uning hemraliri Almuta shehridin 120 km yiraqliqtiki Çilek nahyesige bérip, bu nahyede yashawatqan Uygur qérindashlarni yoqlidi.

4 – ayning 30 küni keçte milliy merkez rehberliri, Qazaqistandiki " Nuzugum Fondi Jemiyiti" ning reisi Dilbirim Samsaquwaning ularning sheripige mehsus uranlashturghan we Qazaqistandiki Uyghur tiyatirining talatliq artislirining orunlishidiki kansert nomurlirini kördi.