Işençilik melumatlarğa asasen, ikki yil ilgiri qanliq veqeler yüzbergen Gulja Şehride Ili Sotmehkimisi yene bir türkum Uygur yaşliriğa ölüm cazasi höküm qilişqa teyyarliq qilmaqta.
1998 - yili 10 - ayning ahirliri Ili Oblastliq Sotmehkimisi bir türküm Uygur yaşlirining dilosini teyyarlap ve mehpi sot qilip '' Eksil inqilabi teşkilat qurğan, qoralliq ağdurmiçiliq bilen şuğullanğan " digendek cinayetler bilen ölümge höküm qilip yuqiriğa testiqlaşqa yolliğan. Şinjang Uygur Aptonom Rayunluq Yuqiri Sot Mehkimisi bu hökümnamilarni 1999 - yili Fevral başlirida miltiq bilen étip öltürüp, yerlik helqning heyvisini besiş ve ölgen saqçi - eskerlerning intiqamini elişni pilanliğan. Ürümçide bu veqeni aşkariliğan kişi ölümge höküm qilinğanlardin bir neççini misalğa élip, mundaq digen: Abdusalam Şemsiddin, 1969 - yili tuğulğan, toy qilğan, bir balisi bar. Gulja Şeherlik toqumiçiliq fabrikisining işçisi. 1997 - yili 5 - Fevraldiki namayiş ve qanliq qirğinçiliqtin kéyin, 6 - ayda qolğa élinğan. Hazir vetenning birligini parçilaydiğan eksilinqilabi teşkilat qurğan, bomba yasiğan digen cinayetler bilen ölümge höküm qilinğan. Mehkümlarning Ili Sotmehkimisining qarariğa naraziliq bildürüp, XUAR Ali Sot Mehkimisige bergen şikayiti bir neççe kün ilgiri Urumçide ret qilinğan.
Yéqinda Şerqiy Türkistandin alğan bir heverge asasen Abdusalam Abdurrahman isimlik bir Uygur yaşqa hem ölüm cazasi bérilgen