ISTANBUL - Türkiye Cumhuriyitining 75 - yilliqi hatirlinivatqan peytte, Istanbulda téhimu ehmiyetlik bolğan 1933 - ve 1944 yilliri 11 - ayning 12 küni Şerqiy Türkistanda qurulğan Cumhuriyetlerni hatirleş yiğini éçildi.
       11 - ayning 14 - küni mingliğan ayyultuzluq kök bayraqlar lepildep turğan Istanbul Zeytinburni tenherket sariyida Şerqiy Türkistanliq Uygurlardin 1000 ğa yéqin kişi yiğin ötküzüp ana vetini Şerqiy Türkistanda qurulğan musteqil döletlirini hatirlidi. Şerqiy Türkistan Hemkarliq Cemiyiti namida, Türkiye hökümitining qanuni ruhsiti bilen éçilğan bu yiğinğa Türkiye dölet ministiri, hökümet bayanatçisi Profissor Ehmet Endican, sabiq dölet ministiri, millet vekili Ali Cuşqun, Fezilet Partiyisining muavin başliqliridin Riza Ulucaq, Profissor Nevzat Yalçintaş, millet vekili Osman Tepe, millet vekili Ömer Qaruq, Profissor Abdulqadir Donoq, Geniral Mehmet Riza Bekin, Qazaqistan Uygur Ittipaqi Teşkilati başliqi Sabit Abdurrahman qatarliqlar hemde Ana Veten, Toğri Yol, Milletçi Herket, Büyük Birlik ve Demoktatik Türkiye Partiyilirining vilayet, ve şeher başliqliri, Avrassiya federassiyoni başliqi Ismail Çingiz ve Iraq Türklerining başliqi Savaş Avçi qatarliq yiğinğa qatnaşti. Dölet ministiri Ehmet Endican öz sözide 2000 yillarda sani 7 bolğan Türk Cumhuriyetliring birlik, baraberlik astida küreş qilip 8-sinimu meydanğa keltüridiğanliqini tekitlidi. Geniral Riza Bekin, Profissor Abdulqadir Donoqlar söz qilip, Hitay kommunistlirining Şerqiy Türkistanda élip berivatqan çékidin aşqan cinayetlirini paş qildi hemde Şerqiy Türkistan helqining musteqilliqiğa érişiş yolidiki küreşlirige qolidin kelginiçe yardem qilidiğanliqini bildürdi.
Yigin ahirida Şerqiy Türkistanning musteqilliqi yolida hayatini pida qilgan qehrimanlarga medhiyelengen senet nomurlari körsütüldi. Yigin davamida resim körgezmisi, huccetlik filim körsitis, kitap - jornal tarqitiş paaliyetliri élip bérildi.