Hitay Hökümitining Zulum Ve Iskenciliri Ş. Türkistan Helqning Gezep Ve Nepritini Eng Yuquri Pellige Çiqardi.
1998 - yili 10 - İyol öz muhbirimiz Abdullah Pamir heviri
Merkizimizning işençlik menbeelerdin alğan
melumatlarğa asasen, 1996 - yilidin buyan Hitay Hökümiti Şerqiy Türkistanda "
Bölgünçi ", " Islamçi " dégen qalpaqlar bilen bir milyonğa yéqin
ademni siyasi cehettin qamaqqa aldi. Muddetsiz ve muddetlik qolğa élinğanlar yérim
milyondin artuq. Soraqçilarning mehpuzlarni soraq qiliş ceryanida türlik iskence
ve tayaq zerbisidin ölgenlerning sanimu 5000 din asidu.
Hitay hökümitining Şerqiy Türkistanda Uygurlarni öz vetinide pütün sahelerde insani
heq ve hoqoqliridin mehrum qilip, Uygurlarni zulumğa baş egdürüştek zoravan siyasiti
neticiside, Şerqiy Türkisatanda yaşavatqan Hitay emeldarliri emes, Hitay hökümitige
satqunluq qilğan Uygurlarmu helqning eşeddi gezep ve nepritige uçurimaqta.
1998 - yili Iyon éyi içide Şerqiy Türkisatnning Hoten Rayonida bolgan bezi
veqelerni sizlerge sunimiz.
1998 - yili İyon éyining başlirida Hoten Şeherlik Camaet Hevpsizlik İdarisi siyasi bölimidin Abliz Mamutning öyi namelum kişiler teripidin otqoyulup, özi ve ikki balisi pütünley köyüpketken.
Yene Hoten Vilayiti Kérye nahyilik Camaet Hevpsizlik idarisidin bir kişi, Teptiş idarisidin ikki kişi Kérye nahyilik Qaraqir yézisiğa çiqip kitivatqanda namelum kişiler yolğa inçike sim tartip qoyğan bolup, üç çahliq motosikilet bilen nahayiti téz kilivatqan saqçilarning béşi héliqi simğa qattiq tégişi bilen ularning béşi piçaqsiz kisilip yerge çüşken ve nehmeydanda canbergen. Motosikiletliri köydürvétilgen.
1998 - May éyining ahirliri Qarğiliq nahyisining Tibet taşyoli éğizida körünüşte seyçilik bilen şuğullinidiğan emma emeliyette puhraçe kiyingen eskerlerning binasiğa namelum qoralliq kişiler kéçe saet ikkide basturup kirip, 18 neper Hitayni étip öltürüvetken ve 11 neper Hitayni éğir yaridar qilip közdin ğayip bolğan.
1998 - yili İyon éyining 20 - künü Aqsu Vilayiti 3 - Yézaigilik Eskiri Meydanida namelum kişiler terpidin 5 hitay étivétilgen.
1998 - yili İyon éyining 14 - küni namelum kişiler terpidin Çira nahyisining Camaet Hevpsizlik idarisi siyasi bölüm başliqi Memtimin Baratning öyige otqoyulup, öydikilerning hemmisi köyüp ketken.
1998 - yili İyon éyida namelum kişiler, Yeken nahyiside turmidin qaçqan siyasi cinayetçilerni tutqili çiqqan Qeşqer vilayetlik Camaet Hevpsizlik idari siyasi bölüm kadiri Cüme Turdi, Ömerbeg Haci, Saqi Tohtilarni ve qoralliq saqçi qisimning iki eskirini öltürüp, öligünü Yeken deryasüğa taşlivetken. Hökümet teripidin bu enzini qattiq tekşürgen bolsimu bu işni qilğuçilarni tapaalmiğan. Emma hökümet şübhilik dep qaralğan 20 neper biguna kişini qamaqqa alğan.
Hazir Şerqiy Türkistanning hemmila yéride milliy munapiqlağa zerbe bériş herkiti evcélip ketti. Hoten vilayetlik Camaet Hevpsizlik idarisining sirtta işleydiğan kadirlarning hemmisini kéçide siritta yatmay, idare içide yétişqa buyruq qilğan.
Hazir Şerqiy Türkistanda musteqilliq herkiti nahayiti evcélip ketken. Buyilning başlirida İstanbulda bésilip mehpi halda memliketke kirgizülgen " Musteqilliq Kürişi " dégen kitapningmu nahayiti çong tesiri bolğan. Hazir bu kitap Şerqiy Türkistanda 1000 Yuven helq puliğimu tépilmaydiken.
Yuqurqiy veqeler Hazir Şerqiy Türkistanda bolivatqan qoralliq veqelerning ondin birigimu toğra kelmeydu. Hazir Hitay hökümiti herqandaq bir yerde bir veqe bolsa u heverning sirtqa tarqap ketmesliki üçün héç ademning ağizini açalmas qilivatti. Eger birsi şundaq bir heverni başqilarğa depqoyğan teğdirde " Pitne éğva tarqatqan, döletning biheterlikini buzğan " dégen qalpaqni keygüzüp haman turmiğa taşlaydu. Eng qisqisi hazir Şerqiy Türkistanda tört adem biryerde turup geplişelmeydu.
