1998 - Yili 30 - Iyul Vicdan Avazi Géziti Heviri

Uyghuristan ( Şerqiy Türkistan ) teveside bügünki künlükte Uygur helqining mustemlikiçilerge qarşi - inqilabiy heriketliri kündin - künge qanat yaymaqta. Ilgiri Hitay dairliri bundaq siyasiy heriketlerni bir oçum "oğri", "lokçekler"ning qilmişliri qatarida körsitişke urunğan bolsa, hazir uning heqiqeten milliy azatliq heriket ikenligini iqrar qilişqa mecbur bolğan
halda, musteqilliq idiyeside resmiy baş kötürüp çiqivatqan Uygur yaşliriğa "Milliy bolgünçi", "Cahil", "Terrorçi" kebi betnamlarni çaplaş bilen, ularni qolğa éliş, étiş, çepiş heriketlirini evç aldurup, şu toqunuşlarda olgen Hitay gundupaylirini mukapatlaş, Uygurlarni - hakimiyetke qarşi çiqsang "aqivetinglar Imam Imin, Hammat Memetningkige
ohşaş bolidu" (her ikkilisi istiqlaliyet üçün qurban bolğan yaşlar) dep heyve qiliş, satqunlarning mehpiyetligini saqlap ularni mukapatlash, " Xinjiang Hitayning ayrilmas bir qismi" - toğrisidiki, milletler ittipaqi nutuq sözleş musabiqilirini ötküzüş qatarliq qebih heriketlerni yürgüzmekte.

Moşu vaqielerge munasivetlik "Ili Keçlik Geziti"de 5 - ayning 1 - küni élan qilinğan tövendiki maqalini öz eyni bilen berduq.

Barliq Zoravanliq, Terrorluq Cinayi Heriketlirige Qanun Boyiçe Qattiq Zerbe Bereyli

( Ğulca Şeherlik Camaet Hevipsizliki İdarisining Uqturuşi )

Yeqindin buyan, Camaet Hevipsizliki Organlirimizning uda qattiq zerbe berişi arqisida, bir türküm zoravan, terrorçilar arqa-arqidin torğa çüşti. Bir qisim zoravanliq, terrorluq cinayi uviliri ilgiri - kéyin paçaqlandi. 1998 - yili 4 - ayning 25 - küni tang seherde qoralliq saqçi qisimning maslişişi bilen idarimiz zoravan, terrorçilarni qorşap tutuşta zoravan,
terrorçi Imam Imin cahilliq bilen qoralliq qarşiliq körsetkenliktin helq saqçiliri ve qoralliq saqçi komandir - cengçilirimiz teripidin neq meydanda étip olturuldi. Hemde Russiyede işlengen bir yan qoral, 30 tal oq qolğa çüşürülüp, zoravan, terrorçilarğa tegişlik caza bérildi.

Lékin tördin çüşüp qalğan bir oçum zoravan, terrorçilar özlirining  meğlubiyitige ten bermey, vetenning birlikini parçilaş, milletler ittipaqiğa buzğunçiliq sélişni qestlep, rezil meqsitini işqa aşuruş üçün yenila suyiqestçilik qilip, zoravan, terrorluq cinayetlirige qattiq hem üzül - kesil zerbe berip, ularning suyiqestini bit - çit qiliş üçün, tövendikiçe uqturuş qilduq.

1. Zoravanliq, terrorluq herikitige qatnaşqan cinayi unsurlar qanunğa hilap barliq cinayi heriketlirini derhal tohtitip, özlükidin camaet Hevipsizliki organliriğa özini melum qilip, qorallirini tapşurup teslim bolup, kengçilik bilen bir terep qilişni tirişip qolğa keltürüşi kérek. éger helq bilen davamliq duşmenlişidikensiler yaki cahilliq bilen qarşiliq körsitidikensiler aqivetinglar Imam Imin, Hammat Memetningkige ohşaş bolidu.

2. Her millet helq ammisi hoşiyarliqni yüksek dericide östürüp, mustehkem meydanda turup, zoravan, terrorçilar ve milliy bölgünçilerning rezil épti-beşirisini ve qebih ğerizini   éniq tonup, ularğa qarşi baturlarçe küreş qiliş, camaet Hevipsizliki organliriğa paş qiliş, melum qiliş ve  yip uçi bilen teminlişi kérek. Paş qilğuçi, melum qilğuçilarning
mehpiyetlikini qattiq saqlaymiz. Paş qiliş hizmet körsetkenlerni mukapatlaymiz hemde hel qilişqa bolidiğan telipini idarimizning hoquq dairisi içide orundap bérimiz.

3. Ehvalni bilip turup melum qilmiğan, zoravan, terrorçilarni yoşurğan, qoral - yaraq, oq - dora, partlatquç buyumlarni yoşurun saqliğanlar tekşürülüp bayqalsa qattiq cazalinidu.

4. Her qaysi mehmanhane, yataqlar ve öy icarige berguçiler salahiyiti éniq bolmiğan "Üc hil güvahnamisi yoq" hadimlarni qondurmasliqi, gumanliq ademlerni bayqiğan haman Camaet Hevipsizliki Orginiğa melum qilişi lazim.
Éger ehvalni bilip turup melum qilmiğanlar bayqalsa qanun boyiçe qattiq   cazalinidu.

5. Qaymuqup zoravanliq, terrorluq, milliy bölgünçilik heriketlirige qatnaşqanlar derhal Camaet Hevipsizliki Orginiğa kélip özenglarni melum qilinglar. Biz silerni kengçilik bilen bir terep qilimiz.

Biz bir oçum zoravan, terrorçilar ve zoravanliq, terrorluq heriketlirini qollavatqan, yardem bérivatqan cinayi unsurlarğa şuni agahlandurumizki, siler barliq qanunsiz cinayi herikitinglarni derhal tohtitinglar, cinayitinglardin qol üzüp, heqqaniyetke baş égip, özenglarni melum qiliş silerning birdin-bir çiqiş yolunglar, undaq qilmay davamliq qaymuqup,
hoşunglarni tapmay helq bilen duşmenlişidikensiler, qanunning qattiq cazasiğa uçraysiler.

("Ili Keçlik Géziti" 1998-yili 4-ayning 27-kuni)

Yolliğuçi Ş.T. İnformasyon Merkizi, Bişkek Muhbiri Rabiyem Yaqup -