Hitay Jallatliri Yänä 11 Mujahidimizgha Ölüm Jazasi Bärdi

1998 - yili 28 - yanwar öz muhbirimiz Abdullah Pamir häwiri

Shinjiang gezitining häwär qilishiçä Shinjiang Uygur Aptonum Rayoni Ili sot mähkimisi 20 - yanwar küni 5 -, 6 - fiwral künliri Gulja shähridä bolghan wäqädä tutup ketilgän mujahidlirimizdin " qanungha qarshi härkät qilghan, dölätning behätärlikini buzghan wä dölät behätärlikini tähdid qilidighan bölgünçilik täshwiq - propaganda qilghan" degen äyipläsh bilän 11 Uygur yashqa ölüm jazasi, 3 Uygur baligha yeshining kiçik bolushi säwäbidin ölüm jazasining ikki yil keçik türüp ijra qilinishi wä buning bilän birgä 27 Uygur yashning muddätsiz qolgha qolgha elinghanliqigha höküm qilghan. ( Bu häwärni German " dpa " häwer agentliqi we Türkiye gezitisimu yazdi )

Hitay Jallatliri ötkän yili 7-ayning 22-küni Ili wilayetlik ottura hälq sot mähkimisi bilän Ghulja sheherlik hälq sot mähkimisi wilayetlik täntärbiyä mäydanida oçuq sot ötküzüp, 27 Uyghur yashqa jaza höküm qilip,bulardin GAPPAR TÄLÄT, HÄSÄNJAN IMIN, ALIMJAN YOLWAS, ABDUREHIM TUDAHUN, ABDUREHIM MÄMÄT, SIDIQ ROZI, MÄMÄTJAN NURMÄMÄT qatarliq 7 baligha ölüm jazasi berip, shu künila ijra qilghan idi. 3 balining ölüm jazasini keçiktürüp ijraqilish çarisi bilän ( birsining ismi HALMÄMÄT ISLAM ), 7 baligha - muddätsiz qamaq, 16 yashliq REHMETJAN'gha 18 yil, qalghan 9 baligha 15 yilghiçilik türme jazasi berilgänligini elan qilghan idi.