Hitaning Çong Sahtikarliqi

Hitay Amerikida yermenke uyusturup Sherqiy Türkistan ezeldin Hitaygha ait dep teshwiq qilmaqta .

ORLANDO - Hitay Helq Çumhuriyiti bilen Amerika otturisidiki soda hejimining his qilghili bolidighan derijide artishi ikki dolet otturisidiki diplomatik munasiwetlerni mueyyen bir noqtigha elip keldi. Bu ilgirileshlerdin horigi ösup qalghan Hitay Amerikida heqiqetni burmilash we bashqa milletlerning mediniyitini yoqqa çiqirsh arqiliq teshwiqat elip beriwatidu. Hitay dairiliri " qançilik çong we tarihiy çehettin qançilik bay ikenlikimizi Amerikiliqlargha çushendurushumuz lazim" degen meqset bilen 4 yil burun Orlandoda bina qilinghan Hitay Helq Jumhuriyiti Yermenke Zalida Seddiçin, Sherqiy Türkistanning Qeshqer shehridiki dangliq Heytgah Jamii we Appaq Hoça Mazarining modelliri we bashqa medeniyet mehsulatlirining modellirini korgezme qilmaqta. Memlikitide musulman we Türklerni qetli qiliwatqan bolsimu az sanliq milletlerning din, medeniyet we milli bayliqlirini qoghdawatimiz, erkinlik we horriyitige çeqilmaywatimiz dep yalghan teshwiqat qiliwatqan Hitaygha qarshi Orlandada toplanghan Tibet, Monggol, Uygur Türkliri we Teywenlikler namayish ötküzdi. Rayonluq telewizye we metbuatlirida keng orun alghan namayishlar Hitaylarni osal ehwalgha çüshürüp qoydi.

Heqiqet Bormilandi

Namayishni uyushturghan Sherqiy Türkistan Milli Tetqiqat Merkizining bashliqi Gulamidin Pahta Hitayda ne Türklerge , ne bashqa milletlerge erkinlik yoqluqini bildürüsh bilen birge, pütün dunya bilidighan heqiqetlerni burmilighan Qizil Hitay dairelirining yalghanlirini tehimu yahshi çüshendurmek, reswaliqini pütün dunyagha anglatmak üçün aldimizdiki künlerde Amerikigha kelidighan Hitay dölet rehbiri Jiang Zemingha qarshi namayish qilishqa teyyarliniwatqanliqini sözlidi.

Amerika rehbiri Bill Clinton bilenmu körishidighan Hitay Dölet rehbiri Jiang Zemingha Aq Saray, Parlament Binasi we Hitay elçihanisi aldida 29 Oktebirde uyushturilidighan namayish arqiliq narazliq bildurülmekçi.