Bu yil Ghuljining pütün adem toplinidighan jaylirida tamlargha çaplanghan waraqçilardiki ISMAIL IBRAIM'ning süritining astigha "Turmidin qeçip çiqqan jinayetçi, milletçi, bölgünçi, yoshurun teshkilatning bashlighi" digen çushençe berilgen bolsa, yene bir waraqçida ikki Uyghur balining süriti körsitilip "ISMAIL IBRAIM'ning "quyruqliri", teshkilatning ezaliri" deyilgen. Buning kishini oylandurup qoyidighan yeri, Hitay hökümiti 100.000 yuwen çiqirip tutush elani çiqarghan ISMAIL IBRAIM'ni heçkim bilmeydu we tonimaydu, uning paaliyiti toghrisidimu heçkim heç nerse anglimighan.

Ahirqi 2,3 ay jeryanida Sherqiy Türkistanda "yoshurun teshkilatning ezalirini pash qilish" degen umumiyüzlük heriket jürgüzilmekte. Shu asasta Sherqiy Türkistan boyiçe hökümet teripidin tarqitiliwatqan "Qisqiçe soal-jawaplar" mawzuluq teshwiq-waraqçisining birside : "Islam Alla partiyesi"ni asas qilghan milliy bolgunçi teshkilatlarning bashliqliri, ezaliri we ularning singip kirip buzghunçiliq qilish ehwali, yoshurunush orni hem ijtimaiy munasiwet ehwalini pash qilish" dep yezilghan. Bu Hitay mustemlikiçiligining Sherqiy Türkistan helqige ishlitiwatqan ussullarning biri bolup, nurghunlighan diniy zatlirimizni, wetenperwer yashlirimizni tutup, turmilargha solap, yoqutiwetishtin bashqa nerse emes.