Sherqiy Türkistanda Hökümet teripidin neshir qiliniwatqan "Xinjang Geziti"ning hewirige qarighanda, 1 – ayning 18 – küni Sherqiy Türkistanning paytehti Ürümçi shehiride Hitay sot mehkimiliri Shewket Memet qatarliq 13 neper Uygur yashqa höküm elan qilip, 5 nepirini etip öltürgen, 2 nepirini muddetsiz qamaq jazasigha, qalghan 6 nepirini 13 yilliqtin bir yerim yilliqqiçe qamaq jazasigha höküm qilghan, Hitay hökümiti bu yashlarni "Milliy Bolgünçi, Qanunsiz Dini Unsur, Terorist" dep eyipligen.

Bu qétim Ürümçide yüz bergen bu hadise – kommunist Hitay hakimiyitining Sherqiy Türkistan helqighe qarita yürgüziwatqan zorawanliq we qirghinçiliq siyasitining janliq bir délili, nöwette bu hil qirghinçiliq we zorawanliq Sherqiy Türkistanning hemme rayonlirida dawam qilmaqta. Bashqisini qoyup, biz peqetla keyinki bir qançe ay içide Sherqiy Türkistanda yüz bergen bu hil hadisilerge nezer salidighan bolsaq, Hitay hakimiyitining Sherqiy Türkistanda Uygurlargha qarita pilanliq we qedembasquçluq halda tutqun qilish öltürüsh we qanliq basturush herikiti élip beriwatqanliqini köreleymiz.

Mesilen, informatsiyon merkizimizning igellishiçe, ötken yili 9 – ayning 21 – küni Ili wilayitide 29 neper Uygur üstidin "Qanunsiz Dini Unsur, Milliy Bölgünçi, Terorist" digéndek töhmetler bilen höküm elan qilinip, bularning 3 neper etip öltürdi, qalghanliri türlük eghir qamaq jazalirigha höküm qilindi.

Yene bizning igellishimizçe, bu yilning beshida Qaraqashta 14 neper bigunah yash Hitay eskerliri teripidin "Terorist" digén namda qumluqta qirip tashlandi, emiliyette bolsa bular qolida tömürning suniqimu bolmighan bigunah yashlar idi. undin bashqa yene informatsiyon merkizimizning muhbiri Uçqunning bir neçe kün burun Hitayning içki höjjetlirige asaslinip turup bizge yollighan melumatigha asaslanghanda, ötken yili 9 – aydin buyan peqet Hoten rayonining özidila Hitay hökümiti, "Milliy Bölgünçi, Qanunsiz Dini Unsur" digéndek tohmetler bilen 917 neper uygurni qolgha alghan. Bularning içide yarilinip dohturhanida ölgenler, türmilerde qiyin – qistaq destidin ölgenler 17 neper bolup Hitay hökümiti hetta bularning jesidinimu ailisige qayturup bermigen. Dimek Hitayning bu wehshiliki Sheriy Türkistanning hemmila yeride dawam qilmaqta. Bu weqeler shuni körsitiduki, kommunist Hitay hökümiti Sherqiy Türkistanhelqini heçbir zaman adem qararigha qoyghini yoq, kommunist Hitayning kün boyi aghzidin çüshürmeydighan demokratiyesi qéni? Insan heqliri nede? Gungçendangning mehri – shepqitiçu? Bularning hemmisi yalghan we sahta, çünki bularning hemmisining Uygur helqini aldap kéliwatqan yalghan – yawidaq sepsetiler ikenlikini kommunist Hitayning yuqarqi qirghinçiliqliri toluq ispatlap bermekte, yillardin beri helqimiz kommunistlarning bu sherin – shéker sözlirige aldinip kelgen idi, emdi bolsa helqimiz kompartiyening rezil meqsidini toluq çüshünüp yetti we bu zorawan hakimiyetni aghdurup tashlap, özige özi hojayin bolghandila andin hörlük, erkinlik, demokratiye we insan heqliri digénlerning heqiqi yosunda emelge ashidighanliqini bilip yetti. Shunga hazir Sherqiy Türkistanning hemmila yeride kommunist Hitay hakimiyitige qarshi milliy heriketler shiddet bilen küçeymekte! Çünki hazir Uygur helqi haywandek ézilip, horlinip yashashtin, milliti üçün mertlerçe ölüp ketishni ewzel körmekte!