"Uçqun Heptilik Geziti Hewiri" "Hoten Geziti" ning yeqinqi sanlirida, Hoten nahiye Yengiawat yéze bash çaghligha kenti partiye yaçikisining muawin sekritari Imin Demindinning "Qehrimanliq" ish – izliri heqqide köpligen hewer – maqalilar elan qilindi, "Hoten Geyiti"ning hewerlirige asaslanghanda, Sadiq kompartiye ezasi Imin Dimin bir qançe mezgildin buyan Hotende yoshrunup yürüp Hitay eskerliri bilen qoralliq jeng qiliwatqan Shireli bashçilighidiki milliy mujahidlar etritining bir neper ezasi bilen "Elishish" jeryanida eghir zehmilengen bolup, hzir dohturhanida sekratta iken. Yéqinqi künlerdin buyan Hoten wilayetlik partikomning sekritari Wang Jingqian qatarliq yuquri derijilik emeldarlar pul – püçek we sogha – salamlarni kötürüp türküm – türkümlep dohturhanigha beririp, sekratqa shüshüp qalghan bu sadiq hizmetçisini yoqlighan, Hoten wilayetlik partikom bu peshqedem kompartiye ezesidin ögünüsh heqqide uhturush çiqirish bilen birge, Hotendiki her qaysi idare – jemiyetlerning ishçi – hizmetçilirini dohturhanigha berip Imin Diminni yoqlashqa we uningidn hal sorashqa seperwer qilghan. "Hoten Geziti" de elan qilinghan "Jiddi peytte qehrimanliq körsütüsh" dégen mawzodiki bir parçe edibi ahbaratta bayan qilinishiçe, Sadiq kompartiye ezasi Imin Diminning "Alahide Hizmet körsütüsh" jeryani mundaq bolghan: Hoten nahiye Yengiawat yéze bash baah çaghligha kent partiye yaçikisining muawin sekritari Imin Dimin mezkur kentning din we "Muqimliq" hizmitige mesul bolup, uzun yillardin buyan bu jehette alahide hizmet korsütüp, köp qétim "Ilghar partiye ezasi" bolup saylanghan. Yeqinqi mezgillerdin buyan Hotenning wziyiti keskinliship, Hitay hökümiti köpligen Uygur yashliri heqqide tutsh buyruqi tarqatqandin kéyin, ilghar kompartiye ezasi Imin Dimin keçisi uhlimay mehellimu – mehelle timisqilap yürüp çarlash élip baridighan boluwalghan. Yeqinda u keçe saet 9 larda özi turushluq kentte çarlash élip beriwatqanda, qarshi tereptin keliwatqan bir Uygur yashni körüp, bu yashning Hitay hökümiti teripidin tutush buyruqi tarqitilghan Rozi Memet Eziz ikenlikini tonup qalghan. "Hoten geziti" diki edebi ahbaratta Rozi Memet Eziz heqqide tohtulup, "Rozi Memet wilayet zerbe beriwatqan Shireli zorawan terorçi jinayetçiler shaykisining tayançi ezasi, mohim alaqiçisi, bu jinayetçi 99 – yili 10 – ayning 27 – küni Seghiz köl yézisida élip bérilghan Shirelining qorshap yoqutush jingide tutush buyruqi çiqirilghan jinayetçi Shirelini bashlap tordin qeçip ketkendin kéyin, özini körsetmigen idi, u, wilayitimizning nöwettiki küresh Shereli shaykisigha zerbe berish mehsus jengide qolghan shüshürülgen muhim yip uçi Hesaplinatti" déyilgen. Yuqarqi edebiy ahbaratta bayan qilinishiçe, sadiq kompartiye ezasi Imin Dimin Rozi Memetni tunup qalghandin kéyin, derhal uning aldini tosiwélip,"Men bilen birge kentke berip mesilengni eniq tapshurup, partiye we hökümetning kengçilik bilen bir terep qilishini qolgha keltür" dégen, Rozi Memet uning sözige pisent qilmay dajip ötüp ketmekçi bolghanda, bu sadiq kompartiye ezasi Rozi Memetning paçiqigha rodipaydek çing çaplishiwélip qoyup bermigen we "Adem barmu? Tiz kelinglar! Qaçqun jinayetçini tutayli!" dep ünining beriçe waqirap – jaqirashqa bashlighan, qattiq ghezepke kelgen Rozi Memet çapinining içige tiqiwalghan 60 santimetir uzunluqtiki qeliçini çiqirip Imin Diminning boynigha keltürüp rasa birni çapqan, emma Imin Dimin yenila waqirap jaqirap Rozi Memmetning paçiqini qoyup mermigen, shuning bilen Rozi Memet qeliçi bilen uning udul kelgen yerige rasa tiqiwetip, uningidn ming teste ajrap qaçmaqçi bolup turghanda, Imin Diminning waqirghan awazini anglap neqmeydangha yetip kelgen saqçilar Rozi Memtni qorshiweilip uni teslim bolushqa ündégen, emma Rozi Memet teslim bolus uyaqta tursun, eksiçe qeliçni igiz kötürüp qoralliq saqçilarning aldigha qarap etilghan, bu çaghda saqçilar uni oq yamghurigha tutup eghir derijide yarilandurghan. Edebi ahbaratta bayan qilinishiçe Rozi Memet saqçilar teripidin hohturhanigha élip ketiliwatqanda yolda shehit bolghan. Emma, "Eskining jeni çiqmas" dégendek qelishning zerbiside pütün ezayi qiyma – çiyma bolup ketken esheddi munapiq Imin Dimin dohturhanida jiddi qutquzush arqiliq hayati saqlap qelinighan. Hoten wilayetlik partikomning sekritari Wang Jingçiyen milliy satqun Imin Diminni dohturhanigha yoqlap barghanda, uning iplas qolini çing siqip turup "Düshmenge qarshi küreshte sizning ipadingiz nahayiti yahshi boldi, biz ahbarat wastiliri arqiliq sizning qehrimanli ish – izliringizni daghdughuluq halda pütün jemiyetke tehwiq qilip, her millet ammisi we kadirlirini sizdin ögünüshge çaqirimiz" dégen. Yuqarq2i weqedin biz shundaq bir açiq sawaqqa ige bolalaymizki, gerçe weten içidiki esheddi milliy munapiqlargha zerbe berish kürishide zor qedemler tashlinip, milliy satqin we hainlar ashkare halda otturigha çiqip körengliyelmeydighan bir hal shekillengen bolsimu, emma kommunist Hitayning 50 yilliq ejri bilen yetiship çiqqan köpligen nomussiz hainlar huddi zeherlik çayandek yer beghirlap heriket qilip, milliy mujadilimizge we helqimizge ighir ziyanlarni élip kelmekte, shunga biz bu hil çayanlardin qattiq herzer eylishimiz lazim! Yene bir jehettin, "Hoten geziti" ning ötkenki sanlirida, "Seghiz Köldiki milliy bölgünçilerni qorshap yoqutush jengide zor ghelbiler qolgha keltürülüp, terorist jinayetçilerning hemmisi pak – pakiz yoqutuldi" déyilgen didi, emma "Hoten geziti" diki yuqarqi edebi ahbaratta, Rozi Memetning Shireli bilen birge Seghiz köldiki jengde qorshawni bösüp çiqip, izini yoqatqanliqi bayan qilinghan, dimek buningdin bir, kommunist Hitay hökümitining yalghan teshwiqatining içki yüzini roshen halda körüwalalaymiz. |