Şerqiy Türkistanda Musulmanlar Xitay Zalimlirining Zulimi Astda Mubarek Ramazan Éyini Uzatti

Xitay hökümitining birqançe yildin béri Şerqiy Türkistanda Uygur musulman étiqadçi ammiğa qarita élip bériwatqan dölet téror siyasiti bu yil ramizan éyidimu şiddet bilen dewam qildi.

Yillardin buyan idare jemiyetlerde işçi xizmetçiler, mekteblerde oqutquçi we oquğuçilarning ramazan éyida roza tutuşi Xitay hökümiti teripidin qattiq çeklimige uçurap kelgen idi.

Bu yil ramazan éyida Xitay hökümiti déhqanlarningmu roza tutuşini çeklidi. Bu yil Şerqiy Türkistanning jenubi rayonlirida bu çeklime bekla éğir bolğan. Yézilarda Hökümet paylaqçiliri öymu – öy marap kimning öyide çiraq yanğan yanmiğanliqini şu rayondiki yerlik hökümetke özwahtida melüm qilip roza tutqan déhqan aililirige 30 yüwendin iqtisadi jaza bergen. Bu iqtisadi jazani ötiyemmigenlerni bir ayliq haşağa iwetken. Idare jemiyetlerde roza tutqan işçi hizmetçilerning bir ayliq maaşi bérilmigen.

Bolupmu bu yil ramzan éyining kirişi bilen Xitay hökimiti ali mekteplerde oqutquçi - oquğuçilarning roza tutuşini barlik küçi bilen qattiq çekligen. Ramzan éyining kirişi bilenla Xin Jiang Universtéti, Pidagogika Universtéti, Maliye Inostoti we başqa ali mekteplerde ramzan tutqan oqutquçi we oquğuçilar qattiq jazağa tartilğan.

Mekteplerde mehsus çarlaş gurpisi qurulğan bolup ular künde zohur wahtida mektep yataq binasida qattiq çarlaş élip barğan. Çarlaş jeryanida qaysi yataqning çiriqi yéniq bolsa ular derhal bésip kirip şu yataqtiki oquğuçilarni tutup açiqip soraq qilğan

Siniplarda bolsa künde digüdek roza tutmasliq toğursida qattiq terbiye élip bériş bilen birge oqutquçi oquğuçilarni çayğa teklip qiliş yaki tamaka tengleştek türlük usullar bilen ularning roza tutup tutmiğanliqini sinap körgen.

Roza tutqan oqutquçi-oquğuçilar bayqalsa ularni derhal iştin boşutuş yaki mekteptin qoğlaş toğrisida hökümet éniq hujjet çüşürgen.

Sherqiy Türkistan Information Merkizi