Dubeydiki Uygurlarning Éçinişliq Ehwali

Öz muhbrimiz Abdullah Pamirning 1 – dikabir anawetendin yolliğan hewiri

Çet'ellerde tijaret bilen şuğulliniwatqan Xitay pasporti bar Uygurlar hej wahti yétip kelgende hej ve ömre vizisi üçün turğan yerliridin viza élip hejge bérip diniy wejibilirini ada qiliştek heqqani arzuliri Xitay hökümitining éğir ziyankeşlikige uçurmaqta.

Yéqinda wetendin kilip Dubeyde waqitliq istiqamet qilip turiwatqan 38 neper haji hej we ömre qiliş mehsitide Beijingğa viza alğili kitiwatqan Hotenlik Ruzimemethajim Seyfung digen kişige pasportlirini bérip özlirining viza işlirinimu bijirgeç kélişni rija qilğan.
Rozimemet Hajim bu hajilarning yalwurup yardem istişi munasiwiti bilen ulardin birtiyin hirajet almay, hajimlarning pasportlarni yigip, wiza éliş üçün Beijingdiki Saudi kungsuliğa bérip viza işlirini bejirip qaytişida, Tianjın ayridurimida 11 – ayning 20 künliri etrapida etigen saet 08:30 ötkende Xitay saqçiliri Rozimemethajim we kiyoğli Samet hajimni tutup ketken we Rozimemet hajimning qoludiki Uygurlarning pasportlarni musadir qilip u kişini Hotenge élip ketken, hazir u kişi Hotende qamaqta turmaqta.

Bu weqedin köp ötmeyla, yéqinda Hitay hökümiti Dubeyge mehsus saqçilirini çiqirip bu 38 neper biçare Uygurlarni mejburi Xitayğa qayturup eketken we ularni ailisi bilen körüştürmeyla qamaqqa alğan. Hazir bu hajimlar Xitay saqçiliri teripidin qattiq soraqta iken.

Bu yil Hitay hökümitining Uygur hej qilğuçilarğa qattiq tosqunluq qilişi tüpeylidin hazirmu viza qiyinçiliqi bilen şerqiy jenubi asiye döletliride ve Ereb Emirlikliri qatarliq ottura şerq döletliride köpligen Uygur hajilar Saudi Erebistanğa viza alalmay, awaréçiliq içide tittin bolup turmaqta.
Sewebi Xitay hökümitining bésimi bilen Saudi hökümiti Uygurlarğa yéqinqi bir qançe yildin béri ömre we hej vizisini peqetla Beijingdiki Saudi kungsulidinla béridiğan qilip qoyğan.

Her yili bolğinidek Hitay hökümitining Beijing we başqa çong şeherliride Uygurlarğa yataq bermeslik, Uygurlarni adem qatarida körmeslik, xar körüş, awitsiye şirketlirining herhil bahanilar bilen Xitaylarğa qariğanda Uygurlardin köp heq éliş bolupmu aridurumlardiki pasport tekşürüş orunlirida pütün Uygurlarğa térorist we düşmen közi bilen qaraştek yawuz siyasiti dawamlişip kelmekte.