|
Ramazan Éyinglar Mubarek Bolsun!
Eziz Uygur Qerindaşlar:
Salamet turiwatamsiler?
Men weten içide Xitayning zulmi
astida éziliwatqan, rozisini aram huda tutalmaywatqan, ziyade haxar
medikarliqqa tutulup yürekliri lehte bolup ketken helqimning Ramizan éyini,
weten sirtida hijran bilen yürekliri puçiliniwatqan Şerqiy Türkistanliq
qérindaşlirimning Ramizan éyining heyrlik boluşini çin yürikimdin tileymen !
Allahdin weten içidiki qérindaşlirimning bala-qazadin hali rozisini toluq
tutup, yurtni aman-esen qilişini tileymen !
Her yili Ramizan kéliştin burunla rezil Xitay hökümiti
qandaq qilğanda Uygurlarning roza tutuşini tosqili bolidu, qandaq qilğanda
Uygurlarning diniy we milliy étiqadini suslaşturğili, yoqatqili bolidu,
digendek hile-mikirlerni oylap, çare-tedbirlerni tuzup çiqidu, mekteplerde
bolsa oqutquçilarning roza tutuşini qattiq çekleydu, adette maaşini wahtida
bermeydiğan oqutquçilarning ramizan éyi kélişige herküni mektepte mejburi
çuşluk tamaq orunlaşturup, tamaq pulining bir qismini hökümet köturup, bir
qismini oqutquçining maaşidin tutup qalidu, eger kimiki tamaq yiyişni ret
qilsa uni, digendek qalpaqlar bilen rehimsizlerçe hizmettin heydeydu,
hayatliq yolini tosaydu. Oquğuçilarni bolsa muellimliri arqiliq roza
tutuştin qattiq çekleydu, hetta ata-anisining roza tutqan-tutmiğanliqini
sürüşte qilip, bilipla qalsa ata-anisiğa bala-qaza yetkuzidu. Mekteplerde
aile qorosidiki milliylarning öylirini her küni zohur wahtida nazaret qilidu,
kimning öyining çiriqi yénip qalsa şu kişi roza tutqan qanunsiz unsur bolup,
qara tizimlikke çüşüp, partikom, saqçi qatarliqlarning universal
tekşürüşliridin ötküzülüp qattiq bir terep qilinidu.
Ilgiri roza tutuşni çeklimeydiğan çağlarda
işçi-hizmetçiler we oquğuçilarning içide roza tutidiğanlar azraq idi,
Xitaylar çekligendin buyan barğanseri roza tutidiğanlarning sani artip
barmaqta.
Xitaydin başqa yerdiki qérindaşlarning bundaq erkin muhitta salametla bolsa
roza tutuşini tewisiye qilimen, bu elbette ihtiyari bolidu.
Dimekçi bolğunum wetendiki muşu erkinliktin mehrum
qilin'ğan qerindaşlarni untup qalmay her bir qedem yolni menilik, toğra
mengişinglarni semimiy iltimas qilimen!
Alla bizge inaqliq, Erkinlik ata qilğay !
Hemminglarning Uluğ Ramizan Éyinglar Heyrlik,
Beriketlik Bolsun !
Uygur Oğli.2002-Yili 11- ayning 5- küni
Turkiye.
|
