Hitay Hökümiti Atuşta Bayqalğan Yer Asti Qoral - Yaraq Zawutini Bahane Qilip, 100 din Artuq Uygurni Guman Bilen Qolğa Aldi

     Merkizimiz yéqinda, Hitay hökümitining Şerqiy Türkistanning Atuş rayonidiki Lenger yézisida, Uygur qarşiliq körsütüş küçliri teripidin qurulğan bir mehpiy qoral - yaraq zawutini bayqiwalğanliqi we bu qoral zawutini qurğan küreşçilerning çeteller bilen héçbir alaqisining yoqluqi heqqide qisqiçe hewer bergen iduq, merkizimizning Atuş rayonidin biwaste igellişiçe, Hitay hökümiti bu qoral - yaraq zawutidin 100 din artuq herhil qoral we 80 din artuq bombini qolğa çüşürgen bolup, bu heriketning rehbiri 28 yaşliq Qarim isimlik Uygur yaş iken.

     Atuş Lenge yézisiditiki qoralzawudi yéqin zamandin béri Hitada qorulgan yerasti çong bir qoral zawut bolup, Hitay dairlirining bildürüşüçe bu zawutnä tépiş arqiliq bir qétimliq térorluqning aldini alğan.

     Mezkur weqedin kéyin, Hitay hökümiti Atuş rayonini qattiq qamal qilip, muşu ayning 13 - 14 - künliri bu weqeğe munasiwetlik dep guman qilğan 100 din artuq bigunah Uygurni qolğa élip soraq qilişqa başliğan we şu rayonda öymu - öy ahturuş élip barğan.

     Hewerlerge qariğanda, Hitay hökümiti bu mehpi qoral - yaraq zawutining arqisida nahayiti çong bir musteqilliq teşkilatining barliqini guman qilğan we bu hadisini Ğuljida 17 - sintebir küni yüzbergen weqeğe bağlaşqa tirişqan.

     Işençilik melumatlarğa asaslanğanda, bu yer asti qoral zawuti şu musteqilliq teşkilati içidiki bir hayinning hökümetke çéqip qoyuşi netijiside paş bolup qalğan bolup, qiziq yeri, bu qoral zawuti Lengger yéziliq partikomning sekritari bilen yéza başliqining öyining ariliqidiki jayda qurulğanliqi üçün, hökümet dayirliri partikom sekritari bilen yéza başliqinimu qolğa alğan.

     Merkizimizning igellişiçe, weqedin kéyin, qoral zawuti qurğan musteqilliq teşkilatining bir neper ezasi Ğuljida qolğa çüşüp qalğan, Hitay saqçi dayirliri, bu teşkilatning bir qisim ezalirining Ğulja we Hoten rayonlirida heriket qiliwatqanliqidin guman qilip, bu ikki rayondimu jiddi türde tekşürüş başliğan.

     Merkizimiz bu weqening tereqqiyati heqqide sizlerge dawamliq yéngi uçur bérişke tirişidu.