Atuşta Qizil Térorluq

     Informatsiyon merkizimizning Atuşning Lenger yézisida mehpi qoral - yaraq zawuti bayqalğanliqi we Hitay hökümitining bu weqeni bahane qilip bigunah insanlarni tutqun qiliwatqanliqi heqqide bergen hewiri, Atuşta yaşawatqan yerlikler teripidinmu toğrilandi.
     Yéqinda Atuş rayonida yaşawatqan bir Uygur merkizimizge inkas yollap, Atuşning Lenger yézisida qoral - yaraq zawuti bayqalğandin kéyin, Hitay hökümitining intayin ğaljirlişip, koça - koçilarğa çaza qurup, ötken - keşken Uygurlarni qattiq tekşürüşke başliğanliqini, Lenger yézisi we uninğga hoşna yézilarda öymu - öy ahturuş élip bériliwatqanliqini, Hitay saqçilirining bir - ikki kün içidila atuşta 40 tin artuq Uygur tijaretçini bu weqeğe bağlap guman bilen qolğa alğanliqini, qolğa élinğanlar içide hetta 12 yaşliq balisi bar 5 kişilik bir ailiningmu mewjut ikenlikini ( er - ayal, bala, balining bowisi we momisi ) inkas qildi.
     Mezkur şehisning inkasiğa qariğanda, weqedin kéyin, Qizilsu Qirğiz aptonom oblasliq hökümet bilen Atuş şererlik hökümetni qattiq jiddilik qapliğan bolup, Hitay dairliri bu yerlik hökümetlerge weqeğe munasiwetlik kişilerni téz arida tépip çiqiş heqqide küçlük bésim işletken.