Heqiqi Téroris Kim?

<Sherqiy Türkistan Milliy Ahbarat Merkizi resisi Abdujelil Karakash efendining Yawropa Azatlik Radiosigha bergen radio söhbiti>

Amerika taşqi işlar muawin ministeri Armitej 8 - ayning 26 - küni Hitay rehberliri bilen körüşkende, Amerikining “Şerqiy Türkistan Islam Azatliq Herkiti”ni térorstlar tizimligige kirgüzgenlikini bayan qildi.

Hazirğa qeder Amerika hökümiti Şerqiy Türkistan musteqqilliq herkitini térorizmdin ayrip qarap kelgen idi. Emma kütülmigende, Amerika taşqi sihlar muawin ministeri Armitej 26 august küni Hitay rehberliri bilen körüşkende, Amerikining “Şerqiy Türkistan Islam Azatliq Herkiti”ni térorstlar tizimligige kirgüzgenligini eytti .

Çünki Hitay hökümiti: “Şerqiy Türkistan Islam Azatliq Herkiti” toğrisidiki uçurlarğa asaslanğanda Osama Binladinning ular bilen yéqin bağlinişi bolup ularning Şinjang rayonida jahat élip bérişiğa yardem qilğan. “Şerqiy Türkistan Islam Azatliq Herkiti” teşkilatining başliği Hesen Mehsumning başçiliğida birqançe térorluq herketlirini yürgüzgen “ dep tohtimay jar sélip keldi .

Emma biz bularning hemmisini qet’i ret qilip kelduq. Merkizimiz Şerqiy Turkistanda Hitay kommunistlirining tömürqepizini yirtip kirip Hitaylarning Şerqiy Turkistan helqige yürküziwatqan dölet terorsiyasitini yéqindin küzütüp kiliwatqan bir quruluş. Merkizimizning hazirğa qeder igelligen uçur ahbaratliriğa qariğanda Şerqiy Türkistan islam azatliq teşkilati gunahsiz. Bu teshkilat mensublri addi puqralarğa ziyan yétidiğan hiçqandaq zorawanliq herketlirini élip barmiğan, ularning meqsidi peqet Şerqiy Türkistanning erkinliki we musteqilliğini qolğa keltürüş üçün Afğanistanda herbi telim terbiye alğan.
Afğanistanda herbi telimterbiy éliwatqan Uygur yaşliri Binladin yaki Talibananlar dewiride emes uning aldidimu bar idi.
Lekin Hitay hökümiti 11 – sintebir weqesidin padilinip Şerqiy Türkistanda etikançi ammini teroristliq bilen töhmetlep basturdi.

Emiliyette Hitay hökümiti tizimlik qilip tiziwalğan partilitiş weqelirining köpinçisi jinayi işlar weqesi we yaki érqi ziddiyet şundaqla addi helqning Hitay hökümitige bolğan qattiq narazili tüpeylidin kélip çiqqan weqeler bolup, bularning hemmisige Hitay hökümiti özi jawapkar bolişi kerak. Hemmimizge ayan bolğinidek Hitay hökümitining Şerqiy Türkistan islam azatliq herkitige weyaki başqa azatliq naraziliq herketlirige bolsun bularning hemmisige térorst qalpiğini kiygüzüp qoyuşi helq'ara jamaetçilikning közini boyap gunahsiz Uygur helqni bu bahaniler bilen qanliq basturiwatqanliq jinayitini niqaplaştin başqa nerse emes.
Ötken biryil içide 6000 din oşuq étiqadçi ammini qolğa aldi. 50 din artuq Uygurğa ölümjazasi berdi

Dimek heqiqi térorst Hitay hökümitining özi, gerçe Richard Armitijg “ az sanliq milletlerning hoquqini hörmet qiliş zörür” dep tekitligen bolsimu Hitay hökümiti özining uçur ahbaratlarni qattiq yoşuruş siyasitining ebzelligidin paydilinip gunahsiz Uygur helqini qanliq basturuşqa téhimu ğaljirliq bilen atlinidiğanliği éniq, Amerikining bu qétimqi pözitsiyisi térorizmğa qarşi uruşni qolliğanliq emes belki heqiqi terorstni qolliğanliq.

Emma bu hergizmu bizge umidsizlik yolidin derak bermeydu! Çünki Amerika bir tereptin Hitay hökümitige yéqinlişip öz könglini izhar qilğini bilen alliqaçan Hitay çégrisiğa yéqinlap kelgini hem éniq, uning üstige kütülmigen paydiliq éhtimalliqlarning yüz bérip qéliş éhtimalinimu nezerdin yiraq qilğili bolmaydu.

Biz Uygur Özbek qerindaş helqliri döletler ottursidiki munasiwetlerning wahtı kelgende insan heqiliri, wahtı kelgende öz menpe'etliri üstige qurulğanliqini unutmasliqimiz kerek. Uning üçün Türkistanlıqlar weziyetni yahşi tehlil qilip özige paydiliq imkanlar we munasiwetlerdin toluq paydilinişi bilen birge yene öz teğdirini çoqum özidin kütüşi kerak!
Şerqiy Türkistan information merkizi pütün dunya Uygurlirinı herqandaq şarait astida qet’i tewrenmey tolup taşqan umitwarliq bilen milliy azatliq küreşlirimizni ahirğiçe dawamlaşturuşni we bu yolda maddi we meni jehettin herqandaq pidakarliqlardin baştartmasliqqa çaqiridu. Çünki héçqandaq bir millet çeksiz zulum astiğa yaritilğan emes! Bizningmu heq hoququlirimizni qolğa alidiğan, harliqtin zulumdin qutulidiğan künimiz çoqum kélidu! Sansizliğan şehitlirimizning qéni hergizmu bikarğa aqmaydu!

Bu munasiwet bilen radio angliğuçilirimizğa Şerqiy Turkistanda yéqinqi künlerde yüzbergen çong weqelerni eslitip ötmekçimen

13 – Sintebir küni Atuş Qizilsu Qirğiz Aptonum Oblasti, Atuş şehri Azak yézisining Langar kentide Kurbanjan isimlik yigitning başçiliqidiki bir yarasti qoral zawuti aşkarilinip qalğan.
Hitay hökümiti bu munasiwet bilen Lengger yézisi etrapidiki kentlerdin 40 artuk étiqadçi biguna ademlerni tutup ketken.

Ğuljida Mutellip başçiliqidi mehpi bir teşkilatning paşqilinişi bilen çong tutqun başlinip 9 - ayning 16 - 17 – künliri jemi 44 Uygur yaş qolğa elindi.

Bundaq weqeler Şerqiy Turkistanda dawamliq yüzbériwatidu
Mana bularning hemmisi Hitay hökümitining çekidin aşqan siyasi zülümdin kilip çiqqan weqeler. Buning Çeteldiki radikal islamçi gurublar bilen yaki Taliban Afğanlar bilen hiç alqisi yoq.

Emmdi Kazakistan, Kirğizistan we Özbekistanda yaşawatqan Uygurlarning ehwaliğa kelsek:

Kazaqistandiki Uyguristan azatliq teşkilatining qurğuçisi we sabiq reisi merhum Haşir Wahidi 1998 – yili küzde namelüm kişiler öyige basturup kirip qattiq urup zehmilendürgenligi munasiweti bilen 1999 – yili étiyazda wapat boldi.
Merkizimizning Ottur Asiyede turuşluq wakaletçisi Abduşkur Tewpiq 1999 – yili may éyining 2 – küni Bişkektin kelgen mapiyeler teripidin tututup kétilip, tahazirğiçe hayat mamatliqidin direk yoq.

2001 – yili 5 – ayning 27 – küni Almatida Nozugum fondining reisi we qurğuçisi merhum Dilbirim Samsaquwa namelüm kişiler teripidin wehşilerçe öltürüldi.

Kirğizistanni élip éytsaq Bişkektiki Uygur Medeniyet Jemiyitining reisi Niğmet Bosaquwa 2000 yili Qirğizistandiki parliment saylamğa qatnişiş üçün namzat bolğan, merhum şu yili april éyida köp kündüzide özining öyining aldida etigen saet 9 etrapida namelüm kişiler teripidin étip öltürüldi.

Ottur Asiyede mana muşundaq közge körinerlik Uygurlarni yoqutiwétip barğan namelüm qatillar zadi kimler?
Nime üçün bu qatillar tépılmaydu?
Elbette bu qatıllarning keynide Hitay we uning şeriki bolğan Ottur Asıye döletlirining qoli bar.

Özbekistanni élip éytsaq uyerde yaşawatqan Uygurlarğa bolğan besim téhimu éğir.

Özbekistanda Uygurlar teşkilat quruş uyaqta tursun aşkara men Uygur diyiştinmu qorqidu.
Buyil étiyazda Özbekistan Yazğuçilar jemiyitining ezasi pişqedem Uzgur yazğuçi Iminjan Osman Hizbuttehrir tesgkilatining teşwiq waraqlirini tehrirlep bergen digen tohmet bilen Özbekistan saqçiliri teripidin tutup kétilip qattiq urup öltüriwetilgen. Rehmetlikni turma hadimliri özini özi öltüriwalğan digen bohtan bilen alisige ölügini qayturup bergen.

Merkezi asiyediki Hitay we Rosiyedin ibaret impiryalis küçler herwaqit Ottur Aasiyede yaşwatqan musulman Türki helqlerge qarata élip bériwatqan sömürgüçi siyasetlirige qarşi çiqanlarni Pan Turkizim we Pan islamizim kalpiqini keydürüp basturup keldi.
Hazir bolsa diniy radikalizim, Wahabi, Hizbuttehrir we helqara terorizim bilen bağlantisi bar dep nurğunliğan étikadçi ammini basturuwatidu.
Merkezi Asiye döletliri musteqil boldi emma bularni başquriwatqan yenila Lenin we Istalinning şagirtliri bolğan dinsizlardur.
Bu döletlerde kim demokrasiyedin söz açalaydu?