Hitay Hökümiti Bu Qétimqi Tarihni Burmilaş Herkiti Arqiliq Öz Epti Beşirisini Yene Bir Qétim Éçip Taşlidi

Merkizimizning ıgellişiçe muşu ayning 28 –künidin başlap Hitay hökümiti 97- yildiki febral weqesi teswirlengen “Qar Köp Yaqqan Qiş” namliq teliwiziye tiyatirini Uygurçe Hitayçe kanallarda birla waqitta qoyuşqa başliğan. Flimde heqiqi tarih pütünley burmilanğan bolup qolida qoralning suniğimu bolmiğan ténç namayiş qilğan helqni qatil, zorawan, wehşi qilip körsetken hetta başqa jaylardiki addi helqning bésimiğa bolğan naraziliği tüpeylidin kélip çiqqan öç éliş weqelirini febral weqeside yüz bergen qilip körsetken, mesilen: Ürümçidiki aptobus partilitiş weqesi emma Hitay armiyisi we saqçilirining ularni qanliq basturğanliği, wehşilerçe qirğanliği koçilarda uçriğanla Uygurni atqanliği toğrisida hiçnime körsitilmigen .
Yerlik Uygurlarning inkasliriğa qariğanda bu film febral weqesini öz közi bilen körgen herqandaq bir Uygurning oğisini qaynitidiken, Hitaylarning bolsa Uygurlarğa nisbeten téhimu öçmenligini qözğaydiken, burun Hitaylar Uygurlarni “kawapçi” , “Ali baba” dep çaqirğan bolsa emdi “terorçi” “yawayi” dep çaqiridiğan bolğan .
Hazir kişiler bu toğrida, Hitaylarning bu qétimqi filmni işleştiki meqsidi zadi nime? Ularning milletler ittipaqliğini küçeyteyli digini muşumu? bu ikki helq otturisidiki érqi oçmenklikni téhimu küçeytiwetidiğu? digendek her hil mulahizilerde bolmaqtiken.
Gerçe Hitay hökümiti tarhtin buyan heqiqi tarihimizni burmilaşqa, tarhtin hiçqandaq hewiri yoq ewlatlirimizni yalğan tarh arqiliq koldurlitişqa urunup kelgen bolsimu yüz berginige emdila beş yildin aşqan öz közi bilen bu qanliq tarihqa baştin ahir guwah bolğan helqimizning köz aldida qilçimu teptartmastin hijilmu bolmastin bu flimni işlişi özlirining qip qizil aldamçi sahtipez qiyapitini mana bu éniq pakit bilen yene bir qetim éçip taşliğan .

11- September weqesidin kéyin Hitay hökümiti musteqilliq herketlirimizge térorçiliq qalpiğini kiyguzup, özining iplas oyunliri bilen helqaradiki bezi döletlerningmu waqtliq qollişiğa érişiwaldi hemde hatirjem halda biguna helqimizni haliğançe öltürüp bekmu wehşilişip ketti, çékidin aşqan bu hil yolsizliq we wehşilik herqandaq bir insanning ğeziwini qözğimay turalmaytti, şunisi éniqki Hitay hökümiti öltürüp tugitiş we assimilatsiye qilip tügitiştin ibaret qoş bisliq siyasitini teng basquçta téhimu tezlikte élip bériş üçün öz abroyi bilen qilçe hisaplaşmay nomussizlarçe qip qizil sahtipezlik qiliş bedilige bu filmni işleş arqiliq birinçidin özlirining biguna helqni qiriwatqanliq qanliq jinayitini yoşuruş we uningğa bahane izleşni bu arqiliq heqiqi ehwaldin hewersiz narisidilerni qaymuqturup ularni musteqilliq herketlirimizni élip barğuçi qehrimanlirimizğa nepretlendürüp musteqilliq herketlirimizni keng helqning himayisidin mehrum qalduruşni, ularni musteqilliq kürişini çüşidimu hiyaliğa keltürmeydiğan haletke ékilip, pütünley umitsizlendürüp, assimilatsiyeni tezlitişni meqset qilsa, yene bir tereptin ikki millet arisidiki érqi oçmenlikni téhimu küçeytip, qisas otlirini ulağaytip bu hil içki ziddiyettin paydilinip Uygurlarni qirip tugitişni mehset qilidu .

Hitay hökümiti meyli qançilik köz boyamçiliq qilmisun, meyli qançilik yalğan pakitlarni kötürüp çiqmisun, biz meyli qançilik derijide heqiqi pakitlarni körsitişke amalsiz qalayli beribir helqimiz bu aldamçiliqlarğa hergizmu işenmeydu ularning eksinçe ularning bu neyrangwazliği helqimizning közini téhimu açqusi.

Tulpar