Heqiqi Téroris Kim?

Amerika taşqi işlar muawin ministeri Armitej düşenbe küni Hitay rehberliri bilen körüşkende, Amerikining “Şerqiy Türkistan Islam Azatliq Herkiti”ni térorstlar tizimligige kirgüzgenge qarita ETIC bayanetçisi Dilşat Reşitning Washington Post we Piransiye AFP agentliqigha bergen bayanati we qisqa muhakime.

************

Hazirğa qeder Amerika hökümiti Şerqiy Türkistan musteqqilliq herkitini térorizmdin ayrip qarap kelgen idi Emma kütülmigende, Amerika taşqi sihlar muawin ministeri Armitej düşenbe küni Hitay bilen körüşkende, Amerikining “Şerqiy Türkistan Islam Azatliq Herkiti”ni térorstlar tizimligige kirgüzgenligini eytti .

Çünki Hitay hökümiti: “Şerqiy Türkistan Islam Azatliq Herkiti” toğrisidiki uçurlarğa asaslanğanda Osama Binladinning ular bilen yéqin bağlinişi bolup ularning Xinjang rayonida jahat élip bérişiğa yardem qilğan. “Şerqiy Türkistan Islam Azatliq Herkiti” teşkilatining başliği Hasan Mehsumning başçiliğida birqançe térorluq herketlirini yürgüzgen “ dep tohtimay jar sélip keldi .

Emma Şeqiy Türkistan information merkizining bayanatçisi Dilşat Reşid bularning hemmisini qet’i ret qilip mundaq didi: “ Şerqiy Türkistan information merkizining hazirğa qeder igelligen uçurliriğa qariğanda Şerqiy Türkistan islam azatliq teşkilati gunahsiz addi puqralarğa ziyan yetidiğan hiçqandaq zorawanliq herketlirini élip barmiğan, ularning meqsidi peqet Şerqiy Türkistanning erkinlik we musteqilliğini qolğa keltürüş bolup Osma Binladinning qoşunida herbi meşiq élip bériş pursitidin paydilanğan.”
Erkin Asiya Radiyosi Hasan Mehsumni ziyaret qilip soal soriğandimu Hesan Mehsum Al Qaeda bilen munasiwiti barligğini qet’i ret qilğan idi .

Emiliyette Hitay hökümiti tizimlik qilip tiziwalğan partilitiş weqelirining köpinçisi jinayi işlar weqesi we yaki érqi ziddiyet şundaqla addi helqning Beijing hökümitige bolğan qattiq narazili tüpeylidin kélip çiqqan weqeler bolup, bularning hemmisige Hitay hökümiti özi jawapkar bolişi kerak. Hemmimizge ayan bolğinidek Hitay hökümitining Şerqiy Türkistan islam azatliq herkitige weyaki başqa azatliq naraziliq herketlirige bolsun bularning hemmisige térorst qalpiğini kiygüzüp qoyuşi helq'ara jamaetçilikning közini boyap gunahsiz Uygur helqni bu bahaniler bilen qanliq basturiwatqanliq jinayitini niqaplaştin başqa nerse emes.

Dimek heqiqi térorst Hitay hökümitining özi, gerçe Richard Armitijg “ az sanliq milletlerning hoquqini hörmet qiliş zörür” dep tekitligen bolsimu Hitay hökümiti özining uçurlarni qattiq boğuş siyasitining ebzelligidin paydilinip gunahsiz Uygur helqini qanliq basturuşqa téhimu ğaljirliq bilen atlinidiğanliği éniq, Amerikining bu qétimqi pözitsiyisi térorizmğa qarşi uruşni qolliğanliq emes belki heqiqi terorstni qolliğanliq .

Emma bu hergizmu bizge umidsizlik yolidin derak bermeydu! Çünki Amerika bir tereptin Hitay hökümitige yéqinlişip öz könglini izhar qilğini bilen alliqaçan Hitay çegrisiğa yéqinlap kelgini hem éniq, uning üstige kütülmigen paydiliq éhtimalliqlarning yüz bérip qéliş éhtimalinimu nezerdin yiraq qilğili bolmaydu.

Biz döletler ottursidiki munasiwetlerning wahtı kelgende kişilik hoquq, wahtı kelgende öz menpe'etliri üstige qurulğanliqini unutmasliqimiz kerek. Uning üçün Şerqiy Türkistan helqi weziyetni yahşi tehlil qilip özige paydiliq imkanlar we munasiwetlerdin toluq paydiliniş bilen birge yene öz teğdirini çoqum özidin kütüşi kerak!
Şerqiy Türkistan information merkizi pütün dunya Uygurliridin herqandaq şarait astida qet’i tewrenmey tolup taşqan umitwarliq bilen milliy azatliq küreşlirimizni ahirğiçe dawamlaşturuşni we bu yolda maddi we meni jehettin herqandaq pidakarliqlardin baştartmasliqqa çaqiridu. Çünki héçqandaq bir millet çeksiz zulum astiğa yaritilğan emes! Bizning heq hoququlirimizni qolğa alidiğan harliqtin qutulidiğan künimiz çoqum kélidu! Sansizliğan şehitlirimizning qéni hergizmu bikarğa aqmaydu!