"Mal Egisidin Oğri Küçlük" Digen Manaşu

8-ayning 16-küni Qeşqer şehri Yarbağda nawayliq qilidiğan Hüsenjan isimlik 28 yaş etrapidiki bir bala bir Hitay bilen nan élim-sétim işida jidellişip tutup kétilgen.
Bir Hitay Hüsenjandin beş yuen helq puliğa toğra kilidiğan nan sétiweliş üçün 100 yuen pulni tengligen. Pul sahta bolğanliği üçün naway Hüsenjan yénidiki başqa kişilerge körsetken, emma pulning sahta ikenlikini hés qilğiçe bolğan ariliqta Hitayğa 95yuen qayturup bolğan.
Hitay bu jaydin ayriliştin burun pulning sahta ikenliki éniqlanğanliqi üçün, Hitayğa pulning sahta ikenlikini éytip, barliq pulni qayturuşni telep qilğan.
Emma u Hitay: "sen pulni men diqqet qilmiğan waqitta özengning sahta puliğa almaşturiwelip, manga bohtan çapliding" dep, çarlaş saqçiliriğa telefon urğan.
Çarlaş saqçiliri Husenjanning sözige qulaq salmastin, uni eyiplep, "sahta pulni sen nedin tapting? nime üçün pulni qolungğa alğanda sahtiken dimey, pulni parçilap qayturup bolğandin kéyin şundaq deysen ?"dep Hitayni yolğa selip qoyup Hüsenjanni tutup élip ketken. Anglaşlarğa qariğanda saqçilar şu küni Hüsenjandin 200 yuen jerimane élip qoyuwetken.

Demek, sahta pul yasaşni bilmeydiğan sadda, nadan Uygur helqini saqçilar qoğdaş uyaqta tursun, eksiçe horlaş, depsende qiliş işliri oçuq-aşkare élip beriliwatidu.
Helqimiz bundaq işlarğa narazi bolsimu héçnime diyişke petinalmaywatidu.
Mana bu helqimizning Hitaylar teripidin horliniwatqanliqining küçluk ispati.