Birleşme Bayanat

Dunya siyasiy weziyitidiki zor özgürüşler, bu özgürüşlerning Şerqiy Turkistan milliy herikitige bolğan tesiri, Hitay hökümitining helqimiz üstidiki mustemlikiçilk siyasitining kündin kün'ge wehşilişişi pütün küçimizni birleşturup, Hitay hökümitining zulmiğa birlikte taqabil turuşni téhimu köp teqezza qilmaqta. Milliy herikitimizni birlik, barawerlik içide élip bériş helqimizning nöwettiki eng jiddi arzu-telepliri bolmaqta.

Şerqiy Turkistan( Uyguristan ) milliy qurultayi we Dunya Uygur yaşliri qurultayi bu arzu- teleplerni emelge aşuruş, Şerqiy Turkistan mesilsining helqaralişişini téhimu tizleştürüş meqsidide, yüksek milliy mes'uliyet tuyğusini hés qilip, milliy azatliq kurşimizni mürini-mürige tirep, bir küç bolup uyuşup, birlikte élip bériş we bu yolda mukemmel milliy birlik sepini berpa qilişqa qarar qildi.

Milliy birlikni emelge aşuruş we muhajirettiki milliy herikitimizning strategiyesini belgüleş meqsidide:

a ) 2003-yil Noyabirda birleşme qurultay çaqiriş;

b) bu qurultayğa teyyarliq qiliş uçun 2002-yili içide ikki qurultay daimi komitetlirining
kengytilgen yiğinini çaqirişqa qarar qildi;

c) bu qararlar her ikki qurultay daimikomiteti ezalirining testiqiğa sunilidu.

Şerqiy Turkistan ( Uyguristan)                     Dunya Uygur Yaşliri
Milliy Qurultayi Reisi                                   Qurultiyi Reisi

Enver Can                                                    Dolqun Iysa

11-08- 2002 München, Germaniye