Hitay Hökumiti Milliy Örpe Adetni Keng Kölemde Basturuşqa Başlidi

05 - Auğust merikizimizning ana wetendin biwasta alghan melumatiğa asaslanğanda, Qeşqer Yéngişer nahiye Ermidun we Yamanyar yézisida élip bériliwatqan tetil mezgilidiki idilogiye sahesidiki bölgünçilikke qarşi turuş kürişining ikkinji basquçida, hökümet hadimliri kişilerni burun sadir qilğan mesililerni otturiğa qoyuşqa qistiğan, “hataliğini tonusila, bundin kéyin şundaq hataliqni sadir qilmisila boldi, héçqandaq işi sürüşte qilinmaydu”, dep jar salğan, Uygurlarğa adet bolup ketken “Hudağa şukri, Allah rehmet qilsun, Hudağa amanet, Elhemdulilla, Essalamu eleykum” digenge ohşaş diniy tus alğan orp – adet sözlirini bundin kéyin qilişqa bolmaydiğanliqini, bolupmu sinipqa kirgende “ Essalamu eleykum” dep kirmeslikni otturiğa qoyğan. Hetta miyit namizini çüşürüş üçün oqulidiğan Qur'an tilawetnimu anglaşqa bolmaydiğanliğini éniq eskertken, mesile tapşuruşqa hemmila ademni qistiğan. Şu seweptin ilgir – kéyin bolup bu ikki yézidiki Muhter Sopi, Memettursun Qasim, Ayimgül Tursun qatarliq 110 neper oqutquçi “ismimizni tizimlimaydiken, işlirimizni sürüşte qilmaydiken, mesile tapşurmisaq bolmaydiken” dep özlirining bundin burun namaz oquğanliqi, mesçidlerge kirgenliki, miyit namiziğa qatnaşqanliqini iqrar qilğan. Hitay hökümiti “ ismini yazmaymiz, sürüşte qilmaymiz” digen sözige emel qilmay, bu yil 8- ayning 2- küni Yéngişer nahiyilik ma'arip idarisi we nahiyilik helq hökumitining bir ademliridin tekşürüş omiki teşkillep, Ermudun we Yamanyar yézisidiki oqutquçilar qoşunidiki yuqirida tilğa élinğan 110 neper oqutquçining mesilisini qézip tekşuruşke, şu jayda kiçe- kündüz qonup éniqlaşqa mangdurğan. Qur'an, heptiyek, namaz oquş qa'idisi, çüş tebiri ……qatarliq kitaplarni tapşuruşqa mejburliğan. Bu hil mesile tapşuruş üginişi wilayetning her qaysi nahiyilidimu élip berilmaqta.