Komunist Hitay Dairliri Şerqiy Türkistanda Yürgüziwatqan Atalmiş Idilogiye Saheside Bölgünçilikke Qarşi Turuş Namidiki Faşisttik Herkiti Yene Ewjige Çiqti

Muhbirimiz Arslanning wetendin yolliğan hewiri: muhbirimiz 15 - iyondin 24 - iyolğiçe Şerqiy Türkustanning Qeşqer rayonidiki nahyelerni tekşürüp töwendikilerni igiligen.
Şerqiy Türkistanning Qeşqer rayonidiki qorçaq Hitay mustemlike da’irliri 15- iyondin başlap idologiye sahesidiki qayta terbiye éliş namidiki faşisttik herkitini herqaysi nahyilerge kéngeytken.11 nahyide ilgiri – kéyin bolup seperwerlik yiğinliri açqan, atalmiş aptonum rayonluq partikom we wilayetlik partkomdin bir türküm kadirlar töwen’ge nazaretçilik qéliş we heydekçilik qélişqa çüşken.
Kona şeher nahiyiside 6- ayning 21 – küni seperwerlik yiğini éçilip, bu faşisttik herketning başlanğanliqi jakarlanğan, 600 din artuq kişi merkezlik oginişke teşkillen’gen, 7- ayning 2- küni 600 kişilik hizmet etiri herqaysi yézilar we mekteplerge bérip, atalmiş idologiye sahesidiki bölgünçilikke qarşi qayta terbiye éliş namidiki faşisttik herkitini başliğan. Mekteplerde ders tohtutilğan, diniy sahediki zatlar hetta yekke hususiy tijaretçiler ügünüş we mesile tapşuruşqa yiğiwilinğan, hazir bu nahyide bu herket ikkinçi basquçqa ötken bolup ,muhbirimiz hewer bergenge qeder dawamlaşmaqta.oqutquçilar tetilge mejburi qoyup birilmidi ,hetta kisellik ruhsiti soriğanlarğa ruhset birilmigen ,ikkinji basquçluq terbiye pa’aliyitide zor türkümde kitaplar oqutquçilardin mejburlaş usuli bilen yiwilinğan, mektep kutuphanisi, Hitay kitap tijariti qilidiğan "Xinhua kitabhanisi"din zor bir qisim kitaplar yiğiwilinğan. Diniy pa’aliyetke qatnaşti dep guman qilinğan hökümet hizmetçiliri we oqutquçilar mesile tapşuruşqa mejbur qilinğan. Muhbirimiz kona şeher nahiyilik 1- otturida zor türkümde yiğiwilinğan kitaplarni körgen.
Qarğiliq nahyiside bu faşisttik herket 6- ayning 18 – küni resmi başlanğan, pa’aliyet başlinişi bilen dinsizlaşturuş mezmunidiki we Şerqiy Türkistan tarihi burmulanğan kitapçe we teşwiqat wariqidin 6500 parçe, un – sin buyumidin 110 yürüş tarqitip, tijaretçilerni tijaret tohtutup oquşqa mejbur qilğan, mektepler ders tohtatqan, oqutquçilarning qanunluq tetilige yol qoymay huddi jinayetçilerni yiğiwalğanğa ohşaş yiğiwalğan. Bu nahyide hazir bu faşisttik herket ewjige çiqip Uygurlarning munewwer medeniyiti ekis etken kitablarni yiğiwéliş, tektini éniqlap atalmiş bölgünçilerge zerbe bériş basquçiğa keldi.
Yopurğa nahiside bu faşisttik herket 18- iyon başlanğandin başlap hazirğiçe yuqarqi nahyelerdiki usulni qollanğan, nahye tewesidiki 17 ottura mektep we 83 başlanğuç mektepni noqta qilip, mekteptin ibaret medeneniyet tarqitidiğan orunni medeneyet jehettiki faşisttik irqiy yoqutuş soruniğa aylandurup qoyğan, hetta tijaretçiler ügünişke kelmise her hil usullar bilen tehdit sélip ekelgen. Hazir bu nahyide ikkinji basquçluq herket dawamlişiwatidu .
Yéngisar nahyiside faşisttik herket 17- iyon başlanğan, etisila soda – sana’etni memuri başquruş idarisi nahye tewesidiki yéza-bazar ponkit başliqliri yiğini içip, barliq Uygur tijaretçilerni terbiye élişqa mejburiy yiğiwilip, bazarlarni Hitaylarğa boşutup bergen. Narazi bolğanlarning tijaret kinişkisini tartiwalğan. ma'aripta oqutquçilar ohşaşla tetilge qoyup birilmey, mesile tapşuruşqa mejburliğan, ders teyyarliqliri yiğiwilinip tekşürülgen. Hazir bu nahyide bu faşisttik herket atalmiş paş qéliş, qattiq zerbe bériş basquçiğa kelgen …
Maralbeşi nahyiside herket 15 – iyon başlanğandin tartip zor miqdarda Uygurlarni dinsizlanduruş mezmunidiki we Şerqiy Türkustan tarihini burmulaydiğan kitaplardin 7518 parçe tarqitilğan, zor miqdardiki Uygurlarning munewwer medeniyitini ekis etturidiğan kitaplar yiğiwilinğan. Oqutquçilar tetilde mejburiy yiğiwilinğan, 22- iyol 2- basquçluq terbiyge otken ……….
Yéngişeher, Yeken, Peyziwat, Qeşqer şehridimu ewwal yuqurida bayan qilinğini bilen tamamen ohşaş bolup, Hitay mustemlikiçi da’irliri Şerqiy Türkustanda bir meydan medeniyet jehettiki irqiy yoqutuşni meqset qilğan faşisttik herkitini dawamlaşturiwatidu .
Merkizimiz komunist Hitay mustemlikiçilirining insaniyet mediniyining jewhiri bolğan kitablarni yiwéliş hetta yoşurun koöydürüştek we Şerqiy Türkistan helqining insani hoquqlirini éğir depsende qéliştek wehşiy herkitini qet'iy eyibleydu.