Poskamdiki Qanliq Weqening Iç Yüzi

Hörmetlik qerindaşlar! Merkizimiz budin burun Poskam nahyeside yüzbergen bu weqe heqqide sizlerge hewer bergen idi. Yéqinda bu weqe heqqide birqeder kengrek melumatqa eriştuq. Töwende sizlerge bu weqening tepsilatini tonuşturimiz.

Poskam nahiyisining Zjima yézisida turuşluq bir er-ayal déhqanning 3 perzenti bar iken. Emma ayal törtinçi perzentige hamildar bolup qaptu. Kent rehbiri bu iştin hewer tépip, balini alduriwétişni tewsiye qiptu. Lékin bala törtinçi éyiğa qedem qoyğanliği üçün alduruwétişke mumkin bolmaydiken, peqet 8 - éyiğa qedem qoyğanda alduruşqa bolidiken. Er balini saqlap qéliş niyitide ayalini başqa bir jayda yoşurun tuğdurup élip keptu. Emma kent rehbiri bular bilen éçişiweriptu we 800 yuen jerimane alidiğanliğini, töliyelmise ayalini qerz orniğ bersimu bolidiğanliğini éytiptu. Bu söz nomusluq Uygur déhqan oğliğa nahayiti éğir keptu. Bu er pulni qerz élip tapşurup bolğandin kéyin, kent rehbirining héliqi bir éğiz sözi üçün, bir hoşnisi bilen meslehetlişip 5-ayning 18-künliri etrapida kent rehbirining öyige berip, ket başliqining kentte yiğinda ikenlikini anglap, şu jayğa beriptu. Lekin u jayda birmu adem yoq iken. Ular haltiğa yoşurup élip kelgen paltini yinida qoyup doğa élip iciptu. Kent rehbirimu şu jayğa kélip doğa içiptu. Ikki erning biri rehber bilen köruşken bolup uning qolini qoyuwetmey çing tutup turuptu. Yene bir er palta bilen rehberni çanaptu. Del şuwaqitning özide motosikilit bilen iş üstige yétip kelgen bir Henzuni tutuwelip, motosini élip qélip, özini qoyuwetken bolsimu, likin Henzuning saqçiğa telefon bériwatqanliğini körüp, unimu çanap öltürüptu. Şu etrapta qol telefon bilen sözlişiwatqan bir bigunah Uygurni bumu "saqçiğa telefon qiliwatsa kérek" dep gumanlinip unimu çanap öltürüptu.
Ahirda bu ikki er qilidiğan işini qilip bolğandin kéyin özini - özi saqçiğa melum qiptu.
Mana bu iş tüpeylidin yuqurqi ikki er bilen yéqin ötidiğan ularning dost yarenlirini hetta hoşniliri we ular doğa içken jaydiki kişilerdin tartip jemi 300 kişini saqçilar tutqun qilip soraq qiliwétiptu. Hazirğiçe bulardin 130 ğa yéqin ademni qoyup beriptu, qalğanliri yenila soraqhanisida iken.