Uygur Déhqanlarğa Qiliniwatqan Milliy Zulum

Qeşqer wilayiti Qağiliq nahiyisining Titi yézisi Titi kentide héli köp Hitay déhqanlar olturaqlaşqan bolup, ular azraq zira'et tériğandin başqa köp qisim yerige köktat tériydiken. Tériğan köktatlarni bazarda sétip öz turmuşini yahşilaydiken. Lékin ohşaş yézidiki Uygur déhqanlarğa yerlik hökümet kéwez bilen buğdaydin başqa zira'etni térişqa ruhset qilmaydiken. Eger köktat térisa uni yuliwetidiken yaki su bermey köktatlarning qurup ketişige sewebci bolidiken.
Kéwez bilen buğdaydin başqa zira'etlerni tériş hoquqiğa érişelmigen Uygur déhqanlarning turmuş sewiyisi ilgirikidinmu better nacar halette iken.
Yilda ottura hesab bilen haşarğa Uygur déhqanlirila mejburi élip
bérilidiğan bolup, Hitay déhqanlarğa buhil alwang-yasaq yoq iken. Henzu déhqanlar peqet yer bejini tapşursila hemme işta erkin iken, ularning étizliriğa heptide 2 qétim su beridiken, haliğan çağda haliğan Hitay déhqan su telep qilip barsa su kadirliri şertsiz su béridiken. Lékin Uygur déhqanlirining buğday tériğan yerlirige suni qisip wahtida bermigeçke déhqanlarning buğdayliri yirigdep mehsulati töwenlep ketken. Kimki piker qilsa hökümet dairiliri saqcilarni işqa sélip, déhqanlarni saqçihaniğa apirip, sen bölgünçilik qilding dep haliğançe jerimane élip qiynaydiken.
Qisqisi büyük ziminning igisi bolğan Uygurlar öz yerlirini Hitaylarğa
Tartquzup qoyğandin sirt, özining térimaqci bolğan iqtisadi ziraetlirinimu tériyalmay, yil boyi japa çékip işlisimu yançuqiğa pul kirmey namrat halitide qéliweridiken.