Pakistan Saqçiliri Yene Üç Neper Uygurni Qolğa Aldi

Imformatsiyun merkizimizning igellişiçe, bündin 15 küni Pakistanning Karaçi şehride Ismayil, Abduşukur we Abdukerim qatarliq üç neper Uygurni qolğa alğan. Bular esli Şerqiy Turkistanning Ğulja şehridin bolup téhi yéqinda Pakistanğa barğan iken.
Hazirğiçe,Pakistan dairlirining bu üç kişini Hitayğa tapşurup bergen yaki bermigenligi heqqide éniq bir melumat yoq, lékin Hitay dairliri Karaçida qolğa élinğan bu üç Uygur heqqide, ularni térorist qilip körsütüş we Uygurlarning rastinla téroris ikenligige Amrekini işendürüş meqsidide, ğerezlik yusunda: “bular Elqeydige bağlanğan Şerqiy Turkistan téerororçiliri, bularning yénidin Qazaqistan we Qirğizistandiki Amreka elçihanilirining heritisi tépildi, ular eslide bu döletlerdiki Amreka elçihanilirini partilatmaqçi bolğan boluşi mumkin” dégendek asassiz éğwalarni tarqatmaqta.

Bu munasiwet bilen, Imformatsiyun merkizimizning bayanatçisi Dilşat Reşit Xanggang “Quyaş Geziti”muhpirining ziyaritini qubul qilip mehsus bayanat élan qildi.
Mezkur gezitning tonögünki sanida Dilaşatning sözi neqil keltürlüp mundaq diyilgen:“Şerqiy Turkistan Imformatsiyun Merkizining bayanatçisi Dilşatning bildürüşiçe, Zhung Go puqrasi bolğan bu üç kişi Pakistanğa qéçip barğan, emma qanuni guwahnamiliri yoq Uygurlar iken, esli bu musapirlarning térorçi teşkilatlar bilen héçqandaq alaqisi yoq bolup, Pakiastan hökümiti Zhung Goning siyasi bésimi tüpeyli ularni guman bilenla qolğa alğan”

Pakistan hökümiti bu üç Uygurdun başqa, bu yil 3-ayda “Şerqiy Turkistan Islam Herkiti” ning rehperliridin biri bolğan Ismayil isimlik kişini qolğa élip Hitayğa tapşurup bergen we bu yil 5-ayda yene 10 neper Uygurni qolğa alğan idi.

2002.6.17.