Milletning Hainliri

Maşaolin Alimjan Tahir terjimisi  

Yéngi bir nöwetlik Pelestin –Israiliye toqunişi hazirğa qeder bir yilçe dawamlaşti, künde ölüm – yitim üzülmidi , Pelestinliklerdin 600 ge yéqin kişi óldi. Toqunişta jénidin ayrilğan Pelestinliklerning az bir qismi başqa qérindaşliriğa ohşaş “Inqilabiy Qurban ” dep qaralmaydu, belki milletning haini süpitide menggü nepretke uçraydu, mana bular Pelestinlikler içidiki “milletning hainliri ” dur.  

“Pelestin Hainliri” Nepretke Mehkum !  

2001-yili 8-ayning 10-küni Pelestin dölet hewipsizliki soti Nablsta Munazir Hepnewining döletke asiyliq qiliş délosi heqqide ahirqi höküm çiqirip , Israiliye herbiy ahbarat tarmaqliri bilen hemkarlaşqan Hepnewige “döletke asiyliq qiliş jinayiti” bilen ölüm jazasi bérip, barliq mal –mülkini musadire qildi .

Sotçi hökünnamini oqup bolğandin kéyin sirttin sotni angliğuçi 100 ge yéqin Pelestinlik tentene qilişip, hoşalliqini basalmay qélişti, ular : “Jasuslar ölümge layiq ! Hainlar ölümge mehkum !” dep towlaşti. Muhemmed Meydanining akisining çirayiğa külke yügürdi , Meydanining apisi közlirige yaş alğan halda oğlining sürütini égiz kötürüp : “oğlum, hain tégişlik jazağa tartildi, u sen üçün hun töleydu, hatirjem yatqin ” dédi .

Meydani radikal islam qarşiliq körsitiş teşkilati (Hamas) ning muhim ezasi idi. U bu qétimqi Pelestin – Israiliye toqunişida Israiliyige qarşi partlitiş hujumliriğa köp qétim qatnaşqan bolup, Israiliye herbiy ahbarat tarmaqqiliri teripidin “ nuqtiliq tazilinidiğanlar ” qaratizimlikke kirgüzülgen hem bu yil ikkinji ayda Israiliye armiyisi alahide hadimliri teripidin étip öltürülgenidi .

Pelestin hewipsizlik tarmaqliri tekşürüş arqiliq Hepnewi Israiliye armiyisige Meydanining iz – dérikini éytip bergenliktin , uning Israiliye armiyisi teripidin qestlep öltürúlgenliki jezimleştürüldi. Bu yil 43 yaşqa kirgen hepnewi özining 1979 – yili Nablstiki Muweppeqiyet Uniwérsitétida oquwatqanda Israiliyining jasosiğa aylanğanliqini, ilgiri buyruqqa binaen oquğuçilar goruhliri arisida küreş qozğaş bilen birge, Hamas qatarliq teşkilatlarning muhim ezaliriğa yéqinlişip , ularning Israiliyige qarşi herketlirining delil – ispatlirini topliğanliqini, netijide bu kişilerning Israiliye teripidin qolğa élinğanliqi yaki qoğlap çiqirilğanliqini iqrar qildi.

Hepnewi bilen Meydanining tonuşquniğa 6 yil bolğan, munasiwiti nahayiti quyuq iken. Del bu hil “işenç” tüpeylidin Meydani 1995 –yili we 1997 – yli ikki qétim Israiliye teripidin qamalğan . bu yil 2- ayning 5-küni Hepnewi Israiliye kattiwaşliridin Meydaninig óltürüliş aldida turğanliqidin hewer tapqan hem Israiliyiliklerge Meydanining kündilik paaliyetliri we uning salahiyitini yiraqtin qandaq éniqlaş usulini doklat qilğan . 2- ayning 16- küni Meydani mesjiddin qaytişida israiliye armiyisi teripidin étip öltürülgen.  

“Pelestin Hainliri” Nimişqa Köp ?  

Pelestinlikler Israiliyige béqinğan milliy munapiqlarni “jasus ”, “hemkarlaşquçi ” yaki “hain” dep ataydu. Pelestin biheterlik tarmaqliridiki hadimlarning mölçerlişiçe, nöwette Pelestindiki “Pelestin hainliri” neççe mingdin aşidiken. 7-ayning 31 – küni Israiliye Nablstiki Hamasning iş béjiriş ornini bombiliğandin kéyin pelestin biheterlik soti Nabls we Gazada sot éçip “Pelestin hainliri” délosini sot qildi, yuqurida tilğa élinğan Hepnewi qatarliq 6 kişige ölüm jazasi berdi. Hewerlerge qariğanda, 8- ayning béşida Pelestin biheterlik qisimliri ğerbiy qirğaqtiki Jeninde 60 neper “Pelestin haini” ni qolğa alğan . buningdin ilgiri Pelestin biheterlik tarmaqliri köp qétim aşkara omumiy uhturuş çiqirip “Pelestin hainliri” din özini melum qilşni hem Israiliye bilen hemkarlişişni telep qilğan , undaq bolmaydiken kengçillik qilmay qattiq jazalaydiğanliqini bildirgenidi .

Ötken yili 11-ayning 9-küni Pelestin milliy azatliq herkiti (FATAH) ning kadiri Hüseyin Ebuyat ğerbiy qirğaqtiki Bélihémda Israiliye hawa armiiyisining başqqurulidiğan sinaredining hujumida öldi, şuning bilen Israiliye armiyisining “nuqtiliq tazilaş” herkiti başlandi. 2000 –yli 8- ayning 15 – künige qeder, Pelestindiki herqaysi teşkilatlarning 60 tin artuq muhim muhim hadimliri Israiliye herbiy ahbarat tarmaqliri teripidin her hil wastiler bilen öltürüldi. Bu herketlerde “Pelestin hainliri” nahayiti muhim rol oynidi. Israiliyige sétilğan “Pelestin hainliri” nişanğa yéqindin egişip, Israiliye terepke ularning iz-dérikini doklat qildi, hetta “tazilaş”qa biwaste qatnaşti.

Pelestinliklerni téhimu éçinduridiğini şuki, “Pelestin hainliri” köpinçe özining qandaş tuqqanliriğa ziyankeşlik qilmaqta. 2000-yli 11-ayning 22-küni FATAH ning ezasi Jamal Abdul Razzaq olturğan pikap Gaza rayoninig ottura qismida Israiliye tankisi teripidin paçaqlandi , Jamal Abdul Razaq öldi , iştin kéyin tağisi u olturğan pikapning renggi we méngiş yölinişini Israiliye armiyisige doklat qilğanliqi melum boldi…

Israiliyening “nuqtiliq tazilaş” herkitige taqabil turuş, Israiliye ahbarat tarmaqliri we “Pelestin Hainliri” ğa yürüş – turuşni bildürmeslik üçün, Pelestin biheterlik tarmaqliri herqaysi guruhlarning kadirliridin huşyarliqni östürüş , meşğulat waqti we qaidisini daim özgertiş, hususiy pikap we yanfonni amal bar işletmeslikni telep qildi. Hewerlerge qariğanda, 2001-yili 8- ayning 4- küni Israiliye armiyisi FATAHning ğerbiy şimal rayonidiki mesuli ömer Bargutning aptomobil etritini bombardiman qilğan, Bargut tik uçar ayropilanning awazini anglap derhal başqa pikapqa olturup neq meydandin ayrilğan, netijide Pelestindiki bu eng dangliq terğibatçi aman qalğan.

Pelestinlik jemiyetşunaslarmu “Pelestin hainliri” hadisisining barliqqa kélişi we ewj élişining nahayiti murekkep mesile ikenlikini, derhal jawap tépişning ongay emeslikini étirap qilidu. biraq, biz Pelestinliklerning yaşaş muhiti we turmuş ehwali qatarliq jehetlerdin bu soalğa jawap izdep baqayli.

Şübhisizki, işğaliyetla bolidiken hainlar, jasuslar we qorçaqlar bolidu. Buni köp çüşendúrüşning hajiti bolmisa kérek. Pelestinni Israiliyining bésiwalğiniğa 31 yil boldi . bu dunya hazirqi zaman tarihidiki eng uzun işğaliyet hésaplinidu. Israiliyiliklerning yuquri bésimi astida bir qisim tohu yürek Pelestinlikler öz milliti, tuğqanliri we dostliriğa hainliq qilmaqta.

Pelestin –Israiliye toqunişi partliğandin kéyin Israiliye Pelestin Aptonomiye Rayoniğa qarita qattiq qamal yürgüzgen hem pelestinliklerning Israiliyige bérip işlişini çekligen, bbuning bilen Pelestinning iqtisadiy iqtisadiy ehwali naçarlaşqan , puqralarning turmuşi téhimu azap – oqibette qalğan netijide, iradisiz yaki rahetperes bir qisim Pelestinlikler Israiliye herbiy ahbarat tarmaqlirining éziqturuşi bilen milliy munapiqqa aylanğan. Bir qisim hainlar neççe on Amérika Dolliri üçün öz rohini satqan.

Uningdin başqa, Israiliye teripidin qolğa élinğan bir qisim Pelestinlikler jismaniy jaza we uzun muddet türmide yétiş tehditi astida, amalsiz Israiliyeliklerning ğalçisiğa aylanğan.

Démek, Pelestin –Israiliye toqunişi üzlüksiz dawamlaşsa, Israiliyining işğaliyitige hatime bérilmise hemde Pelestinliklerning turmuşida tüptin yahşiliniş bolmisa, “Pelestin hainliri” hadisisini tügetkili bolmaydu .

Bu maqale termiler jornili 2002-yil 1-sanidin élindi