Qeşqer Şehride Köp Miqdarda Kitaplar Köydürüldi

     24 - Mai muhbirimiz Arslanning wetendin bergen hewiri:

     Şerqiy Türkistanning Qeşqer şehride bügün (24-may) çüştin kéyin 10 ming parçidin artuq kitap köydürüldi.
     Şerqiy Türkustanda Hitay mustemlikiçi da’irliri yil bişidin başlap, atalmiş idiologiye sahiside bölgünçilikke qarşi turuş boyiçe qayta terbiye éliş faşissttik herkitini başliğandin buyan, Şerqiy Türkistan miqyasida edebiyat – sen’et, ahbarat- neşiriyat , medeniy- maarip, radio – tilwiziye qatarliq sahalerde siyasiy térorliqni yürgüzgen idi. Buning bilenmu qana’et hasil qilmiğan Hitay mustemlikiçiliri kitap – jornal, ün- sin buyumliri, resim qatarliq neşiriyat buyumliriğa qattiq çeklime qoyup, faşisttik usulda bir qisim neşir buyumlirini “milliy bölgünçilik idiyisi we din terğip qilinğan” digendek bednamlar bilen yiğiwilişqa başliğan idi. Bolupmu Qeşqer şehrining maarip sistimisida herhil wastilarni qollunup, nurğun kitablarni mejburi yiğwilindi. Şeher boyiçe yiğiwilinğan kitaplarning sani 10 ming parçidin aşidu. Mezmun jehettin kitaplar diniy sawaq oquşluqi, Qur'an kirimning yeşmisi (Hitay neşiriyatliri teripidin neşir qilinğan), Qur'anning tepsirisi élinğan unalğu lintisi we diniy mezmuni bar sin alğu lintisi, tarihiy kitablar, mesjidning suriti çüşürülgen resim qatarliqlarni öz içige alidu. Aldamçiliqqa öginip ketken Qeşqer şeherlik partkomining yolyoriqi boyiçe yoqarqi kitaplar, Hitaylar burun yiğiwalğan bir qisim saqta neşir buyumliri, lazir diskiliri bilen bille köydürildi.