Hitay Köçmenliri Üçün Yene Yéngi Riğbetlendürüş

Muhpirimiz Uçqunning Ürümçidin yolliğan hewiri:
14-may küni Ürümçi şeherlik emgek idarisi herqaysi qurluş qilğuçi orunlarning içkiri Hitaydin kelgen işlemçi Hitaylarning menpetini kapaletlendürüş heqqide mehsus agahlanduruş uhturuşi tarqatqan.
Mezkor uhturuşta: “iş heqqini alalmasliqqa ohşaş işçilarning hoquq-menpetige dehli-teruz qiliş işliri birdek tuzutilişi lazim, undaq bolmaydiken, adem işletküçi orunning qurluş qiliş ijazetnamisi tartiwélinidu we tégişlik memurijazağa tartilidu” déyilgen.
Gerçe emgekçilerning qanini hoquq-menpetini qoğdaş eslide, adil we muwapiq iş bolsimu, Şerqiy Türkistanda u başqiçiraq menige ige. Sewebi, Hitay dairliri Uygurlarni Şerqiy Türkistanda az sanliq orunğa çüşürüp qoyuş arqiliq asmilatsiye qilip yoqutuş üçün, içkiridin köplep Hitay köçmini yötkeş siyasitini yürgüzüp keldi, bolupmu atalmaiş “ğeripni éçiş” çaqiriği çiqirilğandin béri Şerqiy Türkistanğa kéliwatqan Hitay köçmenlirining sani şiddet bilen köpeydi.
Nöwette, Şerqiy Türkistanğa her küni minglarçe işlemçi Hitay éqip kelmekte. Bu işlemçi Hitaylar bir tereptin Şerqiy Türkistandiki yerlik helqning işqa orunlişiş pursitidin téhimu mehrum qaldursa, yene bir jehettin, türlük jinayetlerni sadir qilip, yerlik heliqning hayati we mal-mülkige dehli-teruz yetkuzmekte. Bu hal yerlik helqning köçmen hitaylarğa we ularning arqa térigi bolğan Hitay hökümitige bolğan öçmenligini téhimu aşurup, milliy zidiyetlerning artişiğa élip kéliwatqan bolsimu, Hitay hökümiti buningğa pisent qilmastin, ekisçe, türlük şekiller bilen, Hitay köçmenlirini téhimu köplep çiqişqa riğbetlendürmekte.
Mesilen, bu yil 3-ayning 15-küni Uygur aptonum Rayunluq hökümet alahide uhturuş çüşürüp, Şerqiy Turkistanğa kelgen aqqun Hitaylardin élinidiğan tört türlük heqni bikar qildi, bu qétim Ürümçi şeherlik emgek idarisi çiqarğan mezkor uhturuşmu, mahiyette, işlemçi Hitaylarni Şerqiy Türkistanğa téhimu köplep kélişke ilhamlanduruş üçün çiqirilğan.