Ürümçide Milliy Bölgünçilerning Jinayitini Paşqiliş Körgezmsi

     Muhpirimiz Uçqunning Ürümçidin yolliğan hewiri:
Bu yil fewral eyidin başlap Şerqiy Türkistanda idologiye sahesidiki milli bölgünçilikke qarşi küreşni qanat ayduruş boyiçe qayta terbiye éliş herkiti başlanğandin kéyin, Uyğur Aptonum rayunluq jamaet hewpsizligi nazariti Aptonum Rayonluq kutuphanida milliy bölgünçilerning jinayetlirini paş qiliş körgezmisini açqan. Körgezmini ihtiyari kélip körgüçiler az bolğini üçün hökümet herqaysi idare-organlar we mekteplerni mejburi rewişte kolliktip körgezme körüşke hem tesirat sözleşke orunlaşturğan. Kolliktip körgezme körüş ahirlaşqandin kéyin körgezmehana boşap qalğan.
     Muhpirimizning igellişiçe, bu qétimqi körgezmige Hitay JH dairliri ilgiri qattiq mehpi saqlap kelgen 400 parçidin köprek süret qoyulğan bolup, bu süretlerde mujahidlirimizning Hitay saqçi dairliri bilen jan tikip élişiwatqan şuningdek, tutulup qélip qetli qilinğan peyttiki horliniş körnüşliri yer alğan iken.
     Muhpirimizning bilduruşiçe, bu körgezmide, aldinqi 10 yil dawamida Şerqiy Türkistanda mujahidlar qanat yaydurğan inqilabi paliyetler Hitay hökümitining mewqesi boyiçe üç basquçqa bölüngen we mundaq çüşendürülgen:

"1- basquç: 1990-1996-yillar, 70-yillardin başlap bölgünçi küçler kurişi élip barğan idi, 90-yillarğa kelgende bolsa: elem kurişining waqti keldi-dep qarap, teşkillik yusundiki birqatar hökümet aparatliriğa hujum qiliş weqelirini uyuşturdi. Bu weqeler Barin weqesini başliniş nuqtisi qilğan halda keyni-keynidin yüz bérip kölemlik qoralliq toqunuşni peyda qildi.

2-basquç: 1996-1997-yilliri, bu mezgilde bölgünçiler uruş-çéqiş, quruluşlarğa buzğunçiliq qiliş, koça aptuwuzlirini partilitiş, diniy zatlarğa süyqest qiliş usullirini waste qilip henzularni qoğlap çiqiriş yolida herket qildi. Bu mezgilde milliy bölgünçiler intayin esebi haletke ötken bolup, qarşiliq rohi ezeldin körülüp baqmiğan derijige yetken.

3-basquç: 1998-2000-yillar, bu basquç, dölet sirtidiki milliy bölgünçilerning dölet içidiki eksiyetçil paliyetlerge qomandanliq qilğanliği bilen harektirlinidu. Ular hetta Xinjiang'ğa térorçi unsurlarni ewetip buzğunçiliq élip barğan. Bu helq'ara térorçi unsurlarning Xinjiang'ğa qol tiqiwatqanliğini ispatlaydiğan emeli pakit, milliy bölgünçilerning paliyitidiki bu hil yüzliniş barğansiri gewdilik bolmaqta" déyilgen.