Bei jing Hökümiti Diniy Étiqadni Basturuş Üçün, Jenubi Xinjiangdiki Yéza-Bazarlarğa Herbilerni Orunlaşturdi

« Dunya Geziti 14-May hewiri » merkizi agentliq Shanggang 13 - may hewiri:

Xin jiang musteqilliq herkiti bilen şuğulliniwatqan Şerqiy Türkitan imformatsion merkizining bilduruşiçe, Beijing hökümiti Xinjiangdiki dini paaliyetlerni basturuş üçün, yéqinda türlük çare-tedbirlerni qollanğan. Jümlidin, herbilerni Jenubi Xinjiangdiki yéza we mekteplerge orunlaşturup, din başquruş hadimlirini yiğip terbiyeleş élip barğan, şundaqla dinğa étiqad qilişni çekleş we Islam dining mekteplerge singip kirişini meni qiliş heqqide perman çiqarğan.
Şerqiy Türkistan imformatsiyun merkizining bayanatçisi Dilaşat Rişitning bayan qilişiçe, hökümet dairliri muşu ayninmg 12-küni Xinjiangning Hoten rayonidiki her qaysi yéza-bazarliriğa herbi qisimlarni orunlahsturup, déhqanlarğa milliy bölgünçilerge we diniy paliyetlige qarşi turuş terbiyisi élip bériş bilen birge herbiler özi turuşluq yézilardiki başlanğuç mekteplerning siyasi komissarliq wezipisini öz üstige élip, diniy paliyetlerning mekteplerge singip kirişining aldini almaqçi bolğan.
Dilşat Rişitning éytişiçe, Beijing dairliri yéqinda yene Xinjiangdiki yüzdin artuq yéza-bazarlarning din we birliksep işliriğa mesul kadirlirini Ürümçige yiğip ularni, tunji qararliq siyasi-idiyiwi terbiye éliş kursida terbiyligen bu arqiliq ularning milliy bölgünçilikke we qanunsiz diniy herketlerge qarşi tunuşini yuquri kötürmekçi iken. Undin başqa, Hoten rayoni yéqinda élan qilğan rehbiri kadirlarning ijtimai turmuşini nazaret qiliş, başquruş çarisining 2-maddisida kadirlarning dinğa étiqad qiliş we diniy paliyetlerge qatnişişi meni qilinğan.
Dilşat yene mundaq didi: « téhi yéqindila Hitay taşqi işlar ministirligining ahbarat bayanatçisi uçuq bayanat élan qilip, Hitayda diniy étiqad erkinligining mutleq kapaletke ige ikenligini bildurgen idi, lekin Beyjing hökümitining Xinjiangda yurgüziwatqan yuqurqidek çekleş tedbirliri, emiliyette Uyğurlarning diniy étiqad erkinligining dawamliq besimğa uçrawatqanliğini çüşendürüdu ».