Dunya Uygur Ahbarat Tori 2002

|   Anaweten   |   |   Ottura Asiye   |   |   Islamdunyasi   |   |   Gherib   |  

Hitay Hökümitining Siyasi Töhmetlirini Qet`i ret Qilimiz !
 

     ( < Şerqiy Türkistan Informatsiyon Merkizi > ning Bayanati )

Informatsiyon merkizimiz 2001 – yili 5 – ayning 14 – küni Şiwitsiyediki bayanatçisi Dilxat Rexit arqiliq Shanggang metbuatliriğa qisqa bayanat yollap, Shanggang soda wekiller ömikining Şerqiy Türkistan rayonini ziyaret qilişiğa qarita bezi naraziliq pikirlirini otturiğa qoyğan bolup, kommunist Hitay metbuatliri eyni çağda bizning bayanatimizning mezmonini burmilap, < Shanggang sodigerlirige tehdit saldi > dep hewer – maqalilar élan qilğan idi. 11 – sintebir amerikida yüz bergen téroristik weqedin buyan, Hitay hökümiti Uygurlarning milliy herikitini < téroristik heriket > dep qarilap élan qilğan bayanat – ahbaratlirida informatsiyon merkizimizning eyni çağda Shanggang sodigerlirige qarita élan qilğan bayanatini < delil > süpitide missal qilip körsütüp kelgen we informatsiyon merkizimizni < téroristik teşkilat > dep qarilaşqa tirişqan idi. Buyil 4 – ayning 23 – küni < Xin Jiang ijtimayi penler akadimiyesi ottura asiya tetqiqat inistitotining hadimi Fan Zhi Ping < Xin Jiang Ahbarat Tori > da élan qilğan < Şerqiy Türkistan térorizimining mahiyiti heqqide mulahize > namliq maqalisida, informatsiyon merkizimizning eyni çağda Shanggang sodigerlirige qarita élan qilğan bayanatimizni < teroristik heriket > ning delil – ispati süpitide tekrar tilğa alğan we informatsiyon merkizimiz bilen héçbir alaqisi bolmiğan we 2001 – yili 8 – ayda Şerqiy Türkistanning Kuçar rayonida yüzbergen melum bir weqeni informatsiyon merkizimiz bilen alaqisi bar dep körsütişke tirişqan. Bu munasiwet bilen informatsiyon merkizimiz Hitay hökümitining siyasi töhmetlirini çiritiş üçün, eyni çağda Shanggang sodigerlirige qarita élan qilğan bayanati heqqide dunya jamaetçilikige qayta izahat beriş zürüriyitini hes qilmaqta.
2001 – yili 5 – ayning 20 –küni Hitayning < çong ğerbi şimalni éçiş > pilani boyiçe, Shanggang sodigerliridin terkip tapqan 282 kişilik bir ömek Şerqiy Türkistannimu öz içige alğan < çong ğerbişimal > rayonini ziyaret qiliş we bu rayonlar bilen iqtisadi tohtamname tüzüşni pilanliğan idi. Informatsiyon merkizimiz buningdin hewer tapqandin keyin, 5 – ayning 14 – küni Shiwitsiyede turuşluq bayanatçisi Dilxat Rexit arqiliq Shanggang alahide rayon hökümitige we Shanggang metbuatliriğa ayrim – ayrim halda bayanat yollap, Shanggang sodigerlirining Şerqiy Türkistanğa mebleğ sélişiğa Uygurlarning qarşi ikenlikini, çünki buhil mebleğ sélişning Uygur helqiğe ziyan élip kéliwatqanliqini, yillardin buyan buhil mebleğ sélişlardin peqet Hitay puhraliriningla paydilinip kéliwatqanliqini, Hitay puhralirining Şerqiy Türkistanğa éqip kirişini tézleştüriwatqanliqini, eksiçe Uygurlarning içide işsizliq nisbitining şiddet bilen éşip bériwatqanliqini bayan qilğan we Shanggang soda wekiller ömikidin Hitay merkizi hökümitige „Şerqiy Türkistan informatsiyon merkizi“ning töwendikidek 3 hil teliwini yetküzüşni iltimas qilğan idi:
1. Uygurlarning işsizliq mesilisi yahşilansun.
2. Yerlik helqning diniy étiqat erkinlikini keng qoyuwetsun, insanlarning asasliq heq – hoqoqliriğa kapaletlik qilinsun.
3. Şerqiy Türkistandiki yerlik soda tarmaqliri Shanggang sodigerliri bilen biwaste alaqe qilsun, hemmini Beijing dairliri konturol qiliwalmisun.
„Şerqiy Türkistan informatsiyon merkizi„ ning yuqarqi bayanatining ahirida, Shanggang sodigerlirini Şerqiy Türkistanğa mebleğ séliş mesiliside ehtiyatçan boluşqa çaqirğan idi. Epsuski kommunist Hitay metbuatliri bizning semimilik bilen otturiğa qoyğan yuqarqi pikir – teleplirimizning harektirini burmilap, uni qandaqtur < Şerqiy Türkistan térorçiliri >ni qarilaydiğan < delil – ispat > süpitide taki hazirğa qeder ğeyri niyet bilen qollunup kelmekte.
Informatsiyon merkizimiz 1996 – yili qurulğandin buyan, helqaraliq qayide – qanunlarğa we özi paaliyet élip bériwatqan Germaniye dölitining qanunliriğa hörmet qilğan asasta ténçliq usoli bilen paaliyet qilip kelmekte, şunga biz, Hitay hökümitining yuqarqidek qarilaş we eyipleşlirini qetì türde ret qilimiz we buni kommunist Hitay hökümitining siyasi közbuyamçiliqining tipik örniki dep qaraymiz!

Hörmet we ehtiram bilen:

Abdujelil Qaraqaş
< Şerqiy Türkistan Informatsiyon Merkizi > ning reyisi

München Germany
2002.04.23