Münchenda Qoşmerike
Mubarek Qurban Heyt
tentenisi içide, 2002-yili 2-ayning 23-küni uzun yilliq hayati muhajirette
ötken wetenperwer zat Tursun Niyaz Ependi bilen Abduweli Ependiler
perzentlirining toy murasimi Germaniyining München şehride dağduğuluq
ötküzüldi.
Toyğa wetinimiz Şerqiy Turkistan, Ottura Asiya
jumhuriyetliri, Engliye, Fransiye, Gollandiye we Germaniyining herqaysi
şeherliridin bolup mingğa yéqin Uygur, Qazaq, Qirğiz, Özbek, Tatar, Turk,
German qatarliq millet mehmanliri qatnaşti. Şerqiy Türkistan ( Uyguristan )
Milliy Qurultiyi Dunya Uyğur Yaşliri Qurultiyi, Şerqiy Turkistan
Informatsiyun merkizi, rehberliri we ezaliri méhman hem sahiphan süpitide
iştirak qildi. Şuning bilen birge Wekaletsiz Milletler Teşkilatining baş
katibi Erkin Aliptekin ependi, Germaniyidiki çong partiyelerdin beri bolğan
SPD( sotsiyal démukratlar partiyisi ) ning Bavariye rayonidiki mes'ul
hadimliri, Qazaq, Qirğiz helqlirining motiwerliri qatarliq qimmetlik
méhmanlar toyni şereplendürdi. Yaşlar Qurultiyi Reisi Dolqun Eysa şerqtin
ğerbkiçe bolğan ariliqtiki Turkiy milletlerning bir Sorunğa jem bolup, ğerib
elliri aldida omumiy ittipaqliqini namayen qilişining tolimu qimmetlik
tesirat peyda qilğanliqi, qérindaşliq mihrini qedirleş zörürliki heqqide
ehmiyetlik pikir bayan qildi. UNPO ning mesuli Erkin Aliptekin Ependi
ayallarni qedirleş, ayallarni terbiyileş, ayallarning milliy tereqqiyat we
mewjudluqimizdiki rolini jari qilduruş heqqide ders harakterlik nutuq
sözlidi.
Qilçilik israpqa yol qoyulmiğan, dostluq, qérindaşliq keypiyatiğa çömgen bu
toyning gewdilik zinniti şu boldiki, atağliq nahşiçi Zulpiye hanimning
Uyğurçe we Qazaqçe tillarda oquğan mungluq nahşiliri toy keypiyatini yuqiri
pellige kötürüp, her millet méhmanlarning küçlük alqişiğa sazawer bolğan
bolsa, meşhur usulçi Halise hanimning nepis we lerzan usulliri méhmanlarning
közliridin ot çaqnitiwetti. Uyğur senitining bu qeder güzel balağitini
ezeldin körüp baqmiğan çetellikler heyranliqini yoşuralmidi.
Bu qétimqi toy Germaniyidiki Turk ailisi ezalirini bir
ariğa jem qiliş ewzelliki bilen harakterlinipla qalmay, uzun yillardin béri
didar körüşmigen herqaysi el we yurtlardiki qérindaşlarni ozara uçruruş
pursiti bilen teminleş qimmitinimu namayen qildi.
