Dunya Uygur Ahbarat Tori 2001

Hitay Dairliri Şerqiy Türkistandiki Herbiy Küçini Zoraytmaqta

Kommunist Hitay dairliri yéqinqi 10 yil içide Şerqiy Türkistandiki herbiy küçini hessilep köpeytti. Hazir Şerqiy Türkistandiki Hitay armiysining sani bir milyondin aşidu. Her yili içkiri ölkiliridin qobul qilğan eskerliri yurtiğa qaytmaydu, Ular zapas herbiy süpitide işlepçiqiriş quruluş bingtuani ( Hitayning Şerqiy Türkistandiki yirim herbi teşkilati) ğa we yerlikke étibar bériş siyasiti bilen orunlaşturmaqta. Eger bular bilen Hitay caqçiliri we jandarma etiretlirini qoşup hisapliğanda Hitay armiysining Şerqiy Türkistandiki eskirining emeliy sani 2 miliyon 300 ming kişidin aşidu .
Uning üstige Hitay dairliri “ 11 – sintebir weqesi ” din kéyin yüzini daptek qilip, atalmiş “ Uygur tiroristliri ” , “ musulman tiroristliri” digen bednamni kötirip çiqip, hawa armiysini öz içige alğan zor türkümdiki qisimlirini Şerqiy Türkistanğa yötkep keldi. 8 orunda hawa armiysi üçün ayroport yasidi yaki kéngeytip qurdi. Ularning zadi qandaq meqsidi bar? Nime qilmaqçi? ular rasttinla “ musulman tiroristlar” ğa taqabil turmaqçimu? emeliyette undaq emes. Şerqiy Türkistanning tarihidin azraqla sawadi bar kişiler Hitay dairlirining faşisttik meqsidining tégi – tektige yiteleydu.
Hitay dairliri Şerqiy Türkistan helqi üstidin yürgiziwatqan mustemlikiçilik we faşisttik hökümiranliqini saqlap qilişqa urunup keldi. Şunga, “oğrining yüriki pok –pok ” digendek, zor qoşun bilen qolida tömürning suniqi bolmiğan, Hitay üçün ottura esirlerdiki qullardek işlewatqan helqqe taqabil turdi. Sirtqa qarita özining faşisttik hökümiranliqini térorğa qarşi turuş namida pedezlep, Şerqiy Türkistan helqige böhtan çaplap bir tereptin Amerika bashçiliğidiki helq’ara térorizimğa qarşi turuş herikiti bahanisi bilen Uygur musteqilliq küçilirining paaliyetlirini Osama Binladin we Talibanlarğa çetişqa orunsa, zene bitereptin içki jehette Uygur musteqilçilirini bölgünçi terrorist dep qarilap yéqinqi helq’ara weziyettin paydilinip Hitay hökümitining Şerqiy Türkistanda 1996 . yilidin béri yürgüzüp kéliwatqan “qattiq zerbe bériş” nami astidiki etnik taziliq herkitini qayta kötürüp çiqip, ohşaş pikirde bolmiğan, pak dini itiqatida çing turğan zor türkimdiki ammini tutqun qildi . Şerqiy Türkistanda insaniyet qilipidin çiqqan bir meydan irqi yoqutuş faşisttik qirğinçiliqni asttirittin pilanlap bu yawuz pilanini bir birlep emelge aşuruşqa urunmaqta.
Yene bir jehettin Hitay dairlirining Şerqiy Türkistanda esker kopeytişide yaman niyet yoşurunğan. Köpçilikke melum bolğinidek, Sabiq Sowet Ittipaqi parçilanğandin kéyin, Roslarning Ottura Asiyadiki küçi ajizlaşti. Hitay dairliri Özbek, Qazaq, Qirğiz qatarliq Türki helqlirining Şerqiy Türkistan helqini qollişidin ensirep, bir tereptin atalmiş “ Shanhai 5 dölet ittipaqi”ni qurup, ularni térorğa qarşi turuş bilen pedezlise, yene bir tereptin ularğa qaratqan singip kirişni we arlişişni küçeytti. Dunya jamaetçiligi Hitay dairlirining yaman niyitini haman biliwalidu!
Çağanning aldi – keynide 7 mingdin artuq biguna Uygur gumanliq dep qarilip, qanunsiz tutqun qilinip Hitay türmillirige qamaldi. Hitay dairlirining faşisttik basturuş siyasiti we herbiy heywisi Şerqiy Türkistan helqining hörlikke, erkinlikke bolğan intilişini boğup qoyalmaydu!!

Yaşisun horluk!!
13 - Fewral 2002

Sherqiy Türkistan Informatsiyon Merkizi