Dunya Uygur Ahbarat Tori 2001

Hitay Kommunist Diktaturliri Ğaljirliq Basquçida Ölümni Kütmekte
   Uzaq zamanlardin tartip bésim we mustemlikige bolğan küreşlirimiz, peqet güzel arzu asasidiki isyankarliqmu yaki bu küreşlerge ğelbige bolğan işençimiz tolup taşqanmu?
Togra neççe yilladin béri bihutliğimiz jahalette qalğanliğimiz tüpeyli gerçe ğelbige bolğan işençe bilen küreşke özimizni atiğan, yaki bésimdin jaq toyğan çağlirimizda partlap ketken bolsaqmu amma meğlubiyet miwisini yep kéliwerduk buningdin hulase çikarğan helqimiz izdininş, oyliniş, ğanggiraş, tewekkul qiliş, özini taşliwétiş, bezilliri bolsa kallisini silkiwétiş basquçiğa kirdi. Beziler bolsa bu isyankarliq ve ten bermeslikni AQ çe ehmeqliq dep qaraşqa yüzlendi buning bilen Uygur jemiyitide töwendikidek birqançe sinip şekillendi:
Birinçi: héçnimige ten bermeydiğan qehrimanlirimiz
Ikkinçi: musteqilliq we erkinlik jihatçiliri
Üçinçi: éçinidiğanlar we qutuluş yolini hazirçe özimizni we mediniyitimizni saqlap qéliş yoli dep qaraydiğanlar
Tortinçi: ümitsiz qaraydiğanlar we oylaşni halimaydiğanlar hemde bularning içidin çiqqan munapiqlar

Héçnimige Ten Bermeydiğanlar

   Ular insan beribir ölidu harlinip ölgendin baturlarçe ölgen tuzuk, atsimilatsiye bolup yoqalğandin qan töküp yoqalğan yahşiraq, atsimilatsiye bolğiningda sen özengmu tuymiğan yaki mejburi halda hetta öz rohingdiki we qéningdiki hetta beden quruluşingdiki Allah peqet sangila mensup qilğan nersilerni düşminingge bériwétişke mejbur bolisen ularning ana tupriğingni dessep çeyliginimu yétip aşar dep qaraydu, biz Uygurlardiki bu hil milletperwerlik pidakarliq eski zamanlardin tartip qan qénimizga singgen roh bolup, çin tömür batur hikayisidiki Manju hanidin bolğan ikki balisini deryaga taşlitip öltürgüzgen Mehtumsula obrazi ene şuningdin kélip çiqqan, uningdin başqa buning içidiki bezi ziyalilirimiz bolsa tebiet qanuniyiti we jemiyet qanuniyitini bir qeder etrapliq çüşengen kéçining çoqum kündüzi barliqiğa hökümranlarning dewran sürişining menggülük emesligige uningmu hayat bilen ölümning bağlininişidek addi sawatqa bérip taqilidiğanliqiğa buning peqet bir tarihi almişiş qaytilininş we küreşlerning uzaq jeryanni baştin keçürüşke muhtaj ikenligige işinetti, bizning küreşlirimizni tarihtin béri mana muşundak ğururluq kişilirimiz dawamlaşturup kelgen, ular “men erkinlikke érişkininimizni öz közüm bilen körelmigendimu ewladimning körelaydiğanliqiğa işinimen, hatte Allah bizning pişanimizge şundaq bir tarihi kelgüsini yazmidi digendimu, qulluqqa qarşi ölüşning özi şerep dep towlaydiğanlar” din, bu nime digen pidakirane roh he !

Şerqiy Türkistan Erkinlik Jihatçiliri

   Héçnimige ten bermeydiğan pidakarlirimizning rohi bizning erkinlik yolidiki jahatçilirimizning mentiqisi bilen mahiyette nahayitimu ohşişip kétidu, şunga Hitay kommunist mustemlikiçiliri ğururluq kişilirimiz bilen jahatçilirimizni özining eng heterlik eşeddi düşmini dep qarap yoqutişning birnçi sépige qoyup kelmekte, jahat Allah yolida yaşaş üçün küreş qiliş dimektur, Allah jahad yolida şehit bolğanlarğa u dunyada jennetni wede qilğan köpligen ayetler bar.
Janabi Allah Quran kerimde “ Herqandaq bir millet özining ehwalini özgertmigiçe ( yeni Allahning bergen nimetlirige tuzkorluq qilp gunahlarğa çömmügüçe) Allah ularning ehwalini özgertmeydu ( yeni Allah ularğa bergen nimet, hatirjemlik we izzet hörmetni élip taşlimaydu) ( Raad Süresi 11 – ayet ) ” dep buyriğan. Allahning digini heqtur. Heqiqeten biz özimizdiki naçar illetlerni tügütüp birlik we baraberlik içide zéminizni bésip bizni qul qiliwatqan düşmenge qarşi küreş qilmaydikenmiz Uygurlarning hali hazirqidinmu yaman ehwalğa çüşüp qélişi mumkin. Biz özimizge özimiz iç ağritmisaq Allahmu iç ağritmaydu.
Bizning mujahidlirimiz erkinlik we hurlük üçün qiliwatqa köreşlirining mukapatini Allahdin kütkenliki üçün u yolda issiq qanlirini qurban qilmaqta. Mana bu düşmenge tiz pükmeydiğan mujahidlirimizning harekteri.

   Hitay hakimiyiti Şerqiy Türkistanda dinni qattiq çeklep Uygurlarni islamdin uzaqlaşturuşqa tirişqan bolsimu köpünçe Uygurlar yenla özini saqlap qaldi. Nöwette köpsandiki Uygurlar milletni qutquzuşning birdin yoli islam étiqadi ikenligini tonup yétip diniy telim terbiyini yoşurunçe halda élip bar maqta. Kiçigimde ezeldin mektep yüzi körüp baqmiğan özining qaçan tuğulğinini bilmeydiğan momamning anamga balliringğa namaz oquşni üget imani suslişip ketse aldiğa kelgenni yeydiğan, aq qarini ayrimaydiğan Hitay bolup kétidu digenlirini daim anglap turattim.
Hitay hakimiyiti birtereptin Uygurlarning dinni yoqatmiğiçe mehsidige yételmeydiğanliqini bilip, dinğa qattiq zerbe berse, yene bir tereptin Uygurlarning til we medeniyitini yétim qalduruş arqiliq jahaletke yüzlendürüş we öz medininiyitini téngiş usulirini qollanmaqta. Mesilen Uygur maaripini kembigelleştürüş Hitay tili we derisliklirini téngiş milli ahalilarni tarqaqlaşturup Hitay mediniyiti smiwolligidiki rawaqlarni qonduruş, 100 minglap bulung puşqaqlarğiçe köçmen yötkep kilip wetinimizni Hitaylaşturuş usullirini qollinip kelgen bolsimu, ilğarliqni mediniyetni yéngiliqni eng téz qobul qilidiğan Uygur milliti Hitay mediniyitini qobul qilişta Hitayning oğisini qaynitip tolimu qaşangliq qildi. Hitay hökümitining sirtqa qarita işikni éçiwetiş siyasitidin kéyin siyasetke çoqunuştin héli derijide qutuldi dep qaraşqa bolidiğan Hitay ediplirige wekillik qilidiğan “Wu jia hu”mu özining gerbi rayon munbiri jornilida élan qilğan “Xinjiangliqlar heqqide qayta oylininş” digen maqalisida “Xinjiangliqlar haliğa baqmay özini bek çong tutiwalidu ” digen. Uning üçün bu yerde rastinla Xinjangliqlar poçimu? nime üçün? digen soal tuğilidu, Uygurlar yuqirida éytip ötkinimdek tereqqiyatni eng téz qobul qilidiğan millet, gep Hitay mediniyiting biz istigen nersilerni béralmigenligide, Hitayning yillardin béri bizge tonuş bolup ketken kommunist neyrengliri bilen boyalğan qéri mediniyiti bizni héçqançe jelip qilalmidi we uningdin bizning mediniyitimizdin üstin turğidek jezbidarliqni tapalmiduq uning üstige islam dinining büyük nuri tüpeylidin ras yalğandin bolsimu (tebiiti qul millet haman qulluqni söyidu) Markisqa çoqunup kéliwatqan Hitay kommunist eqidisi, Uygurlarning içki mahiyiti teripidin çetke qéqilip keldi, qosiqida buningğa ten bermigen Hitay kommunistliri bir tereptin mediniyitimizni talan taraj qiliş, özining qiliwéliş bilen bizenglik qilsa, yene bir tereptin eqidini yoq qilip étiqadni burmilaş üçün oçuq aşkara basturuş çarisini her hil bahaniler bilen otturiga çikardi. 11 - sintebir weqesidin kéyin, Hitayning musteqilliq we erkinlik küreşçilirini dunya jamaetçilikige térorist dep jakalap musteqilçilar bilen térorçilarni birleşturiwélip we bu bahane arqiliq qirginçiliq élip bérişi buning tipik misali;

Éçinidiğanlar We Qutuluş Yoli Hazirçe Özimizni We Mediniyitimizni Saqlap Qéliş Kelgüsige Küç Toplaş Dep Qariğuçilar

   Bular hazirqi Uygur jemiyitide eng köp sanni yeni asasi sanni igelleydu, ular qan töküp bihude qurban bergenning héçbir paydisi yoq, nöwettiki eng muhim mesile éngimizni oygutup özimizni saqlap qéliş dep qaraydiğanlar bolup, mahiyette bumu bir hil jim turiwéliş kürişi. Bu Hitayni téhimu çoçitiwetken we en’eniwi béqinma qéri mediniyiting bu milletning qan tomuridiki poçiliq we men menlik, hakawurluq şundaqla özige has güzel medniyiting ornini élişqa küçi yetmiginidin qattiq hesretlinip, ahiri özlirining hijiyip turidiğan yuwaş yumşaqliq birlişip ketken namertlerçe yawuzliğidin oçuq aşkare şermendiçilikke ötti yeni her hil milli orp adetlirimizni çekleş, özlirige ohşitalmiğanlarni jazalaş digendek.

Umitsiz Qaraydiğanlar We Oylaşni Halimaydiğanlar

   Ular Hitaylar birlişip tükürse derya bolidu biz u deryada çömülüp qalimiz dep qaraydiğanlar bolup, bu bizning qolimizdin kélidiğan iş emes, béşimizğa bala tépip nime qilimiz bir künler kélip Hitay Sowet Ittipaqidek öz içidin bölünüp kétip qalsa, musteqil bolup qalmisaq bolmisa küreş pureş digenler ahmaqliq dep qaraydiken, mening ularga şundak digum kéliwatidu: bu hil tasadipiliqni kütüş yaki ottura asiyadiki qérindaşlirimiz 80% Ruslaşqandek bizmu asasi jehettin Hitaylişip Hitayning mehsidi emelge aşqanda bizge musteqilliq nimige kerekkin? Mesilen ottura asiyadiki Uygur qérindaşlirimizning çetelge kelip olturaqlaşqanliridinla mundaq bir misalni eytip beray:
ular öz balilirini Rus tilini untup qalmisun dep qoşumçe Rus mektipige ewetidiken, elwette til üginişke qarşi emesmen bumu bir hil mediniyet üginiş emma kimningmu set odek çojisi bolgusi bar (andersonning set odek çojisi digen mesilige karalsun ) ? Emma u balilar heqiqaten set odek çojisi bolup qalğan bolup, milliting nime ? digen soalga 10 balining içide beşi bilmeymiz dise béşi Rus dep jawap bératti. Silerni kim yaratti digen soalga bolsa 10 balining altisi bilmeymiz dise törti Eysa yaratti dep jawap bératti, mana bu umitsizlikke hul salğan yoqilişqa başliğan dehşetlik kelgusimiz. Umitsizler we millet tegdirini oylaşni halimaydiğanlarni Hitay heteri az bolğan sinipqa ayriğan bolup, ularning kirimini ustürüş siyasitini yolğa qoyup, ihtisad dewride kişilerning pulğa çoqunuş idiyisi arqiliq ularni asanla tézginliwalğan. Emma bu hildiki kişiler umitsizligi tüpeylidin Hitayning kontrolluqığa ötkini bilen, az bir qisim munapiqlarni hésabqa almiğanda Hitay üçün yenila işençisiz bolup sella umitning uçi körunse beribir Hitayning yüzige tükiridiğanlardin idi, şunga Hitay hökümiti pütünley işençisini yoqatqan bolup, hetta özlirige sétilğan munapiq galçilardinmu peqet it ornidila paydilinatti halas, şu seweptin Hitayning könglige ayanki dos düşmenlik éniq ayrilip qalğan, milletler ittipaqligi deydiğan nersiler külkilik körinidiğan bolupqalğan idi, buning bilen nime qilishini bilmey qalğan Hitay hakimiyiti nöwette kattik ğaljirlaşip kétiwatidu,, ğaljirlik bilen bésimni küçeytiş özige qarşiliqni téhimu küçeytiwetken bolup, bésim arqiliq bir milletni yoqatqili bolsa Getlir Yehudilarni dunya yüzidin yoq qiliwétaligen bolatti, şu tapta Hitay kommunist diktaturliri ğaljirliq basquçida jan talişiwatidu, ularğa şuni jakalaymizki: ham hiyalliring bit- çit bolmaqta, nime qilsang hem Şerqiy Türkistandiki mustebit diktaturliğing beribir ölümni kütişke yüzlinidu.

Utqu 2002 – yili 14 – Janwar Canada