Dunya Erbabliriğa Minnetdarliq Mektubi
Yollandi
"11-sentebir weqesi" din kéyin, Hitay
hökümiti,helqara jamaetige, Uygurlarni "terorst" ,Uygurlarning weten
içi-sirtida élip bériwatqan musteqilliq herketlirini " teroristik qilmiş "
dep işendürüşke jénining bariçe urunup, bu arqiliq özining Uygurlar üstidin
yürgiziwatqan basturuş herketlirini aqlaş we Uygurlarning musteqilliq
herketlirini tamamen yoq qilip taşlaş meqsidige yetmekçi bolğan idi.
Hitay hökümitining bu hil mutihemlerçe siyasi neyrengwazliqi dunyada emdila
tesir peyda qilişqa başliğan Uygur musteqilliq dawasiğa jiddi hewp tuğdurup,
weten içi sirtidiki barçe Uygur teşkilatlirini, şu jümlidin barliq
Uygurlarni qattiq endişige saldi.
Çünki, Amereka we uning ğeriptiki ittpaqdaşliri Hitay hökümitining sözige
işinip, Uygurlarnimu helqara teroristlar sepige qoşiwetidiğan bolsa, bu,
Uygur musteqilliq dewasining helqaradiki tesiri we bundin kéyinki
tereqqiyati üçün gayet zor yoqitiş bolatti.
Behtimizge yarişa, Hitay hökümitining bu şum ğerizi işqa aşmidi.
Amreka prezdinti Georg W. Bush, Amerika dölet işliri katiwi Colin L. Powell,
we B.D.T insan heqliri komutétining reisi Mary Robınsonhanim qatarliq
dunyawi meşhur erbaplar,10-,11-aylardiki Hitayğa qilğan sepiri dawamida we
Hitay dolet reisi Zhang Zemin bilen körüşkende, hemmisi birdek, Uygurlar
mesiliside heqqaniy meydanda turdi we nahayti éniq qilip, Şerqiy Türkistan
mesilisining tamamen kişlik hoquq mesilisi ikenligini,Uygurlarni "terorist "
dep qarimaydiğanliqini uqturup ötti, Şuningdek, Hitay hökümitini ,"
11-sentebir weqesi"ni bahane qilip Uygurlarğa qaritilğan bésim we basturuşni
küçeytmeslikni agahlandurdi.
Dunya erbaplirining Uygur mesilisidiki heqqani meydani, Uygur musteqilliq
dewasini çong bir hewptin saqlap qaldi, heq-naheq ottursidiki bir meydan
keskin küreşte, heq-adalet ğalip keldi!
Şuning bilen pursette, Şerqiy Türkistan mesilisi dunya jamaetçiliki
teripidin,"demukratiye" , "kişlik hoquq" we "milliy musteqilliq mesilisi"
dep yene bir qétim resmi étirap qilindi. Uygur musteqilliq dewasining
helqaradiki tesiri téhimu aşti.
Muşu munasuwet bilen,"Şerqiy Türkistan Imformatsiyon Merkizi" weten içi -
sirtidiki barliq Uygur teşkilatliri we pütkül Uygurlar namidin, Amerika
prezdenti Georg W. Bush, Amerika dölet işliri katibi Colin L. Powell, we
B.D.T insan heqliri komutétining reisi Mary Robınsonhanimğa ayrim-ayrim
halda minnetdarliq mektubi yollidi.
2001.12.22.
Şeriy Türkistan Informatsiyon Merkizi
