|
Kommunistik Partiye Çong Kiriziske Duç Kelmekte
Dunya tarihida herqandaq bir dölettiki hakimiyet, öz helqining küçige tayinip hakimiyet béshigha çiqidu. Öz helqi bilen bir nepeste bolup, hakimiyitini dawamlashturidu. Öz helqining qollishidin ayrulghan hakimiyet, öz helqi teripidin aghdurup tashlinidu. Bu bir muqerrerliktur. Helqning himayisisiz her qandaq bir hakimiyet mewjüt bulup turghan emes.
Qing sulalisining ahirqi dewride bir hil, emeldarlar weziyiti barliqqa kélip, parihorluq, çiriklik taza ewj élip, ahiri öz hakimiyitining hatimisi bilen ahirlashqan. Uning ornigha dessigen Guo Min Dang hökümitimu, çirikliship, ahirqi basquçqa barghanda, dölet gheznisi Sün, Jiang ,Wang qatarliq 4 ailining çöntikige merkezliship qélip, hakimiyet helqning öle-tirilishi bilen kari bolmay, ahiri özining meghlubiyiti bilen çong quruqluqni tashlap, Tai wange qéçip kétishi bilen ahirlashqan idi.
Bugünki Hitay kommunist hökümiti, hazir hemmini bésip çüshidighan halette turmaqta. Biz bashqini qoyup, Hitayning ottura tüzlengliktiki bir ölkisining namrat bir nahiyesini misalgha alayli: melum orunning muawin nahiye derijilik hoquqi 500 ming yuan, nahiye derijilikke östürüsh üçün 1 milyon yuan, nahiye derijilik hoquqni muawin wali derijisige östürüsh üçün 3 milyon yuan............., hejleshke toghra kelidu. Iqtisadi ehwali sel yahshi bolghan San Xi ölkisidiki baha, buningdin 5-6 hesse yuqiri. Nahiye derijilik hoquq eng erzan bolghandimu 5-6 milyon yuange baridu. Hitay kommunistlirining hoquq – emili nöwettiki qarangghu bazargh ohshash jaylarda özining özgiçe bahasi bolup, bu hemmige ayan bir qanuniyetke aylanghan. Hoquq –emelni sétish, sétiwélishtin bashqa yene shu hoquq-emelge kapaletlik qilish bahasimu bar. Eger baha eng töwen çektiki baha telipige yetmise, emili élip tashlinidighan gep.
Emeldarlarning hemmidin bek qorqidighini, öz derijisi boyiçe yötkilish. Eger öz derijisi boyiçe yéngi orungha barsa, uning öz derijisi bilen kelgenlikining sewebi yerlikler üçün çüshinishlik bolghaçqa , yerlikler uninggha tutuq bérish uyaqta rursun eksinçe bu yéngi emeldarni pash qilip, körgülikini körsütidu. Shuning üçün barliq amalni ishqa sélip, ösüsh kerek. Öskendila özining adettiki adem emeslikini namayen qilip, heywisini körsüteleydu.
Hoquq, emelning bu hil bahasi, puqralar üçün éghizgha patmaydighan san bolghini bilen, yerlik emeldarlar üçün héç gep emes. Ilgiri <Qing hökümitide 3 yil emel tutsang 100 ming ser kümüshke ige bolisen> deydighan gep bar idi. Bügünki kommunist Hitay hökümitining bir hakimi, yene kelip bir namrat nahiye hakimining bayliqi ottura hisap bilan 40milyon yuange baridu. Bundaq zor bayliq nedin kelgen ? asasen para élish, özi bashqurush dairisidiki hoquq-emelni sétish, karhana we çong tiptiki qurulush inshaatlirini testiqlash jeryanida < qirqiwelish>, aile ezaliri <tijaret> qilish qatarliq yollardin kelgen.
Nöwette, kommunist Hitay kadirliri kökümetning tohuni bughuzlap maymungha ibret qilish taktikisi jeryanida ashkarilinip qalghan emeldarlargha qarita < u dötlük qiptu, shunçe dunyani nepsaniyetçilik qilip yalghuz yewalghiçe, yuquri –töwendikilerningmu geligha az-tolidin uruwetken bolsa, bu aqiwetke qalmighan bolatti.> dep munazire qilishmaqta.
Nahiye, wilayet peqetla ölke , sheherdiki ish. Merkezdiki ishlar qandaq ? ölke bashliqi, sheher bashliqi qandaq qilip shu emellerge irishken ? ularmu qan shorughuçi parazittek helqning yilikini shorap, hoquqni sétiwalghan. Bei Jing shehirige qarashliq her qaysi rayun, nahiyelerning emeldarlirimu hoquq , emilini pul hejlep sétiwalghan. Hetta ahaliler komététining mudirliq hoquqighimu pul hejlimey irishkili bolmaydu. Bu hazir mehpiyetlik emes, hemmige ayan bolghan bir emiliyet.
Bu yil jaylardiki her derijilik emeldarlar, emel –hoquq koyida qatrap yürüshmekte. Keler yilidiki 16- qurultay harpisida, Zhungnanhaidikiler téhimu aldirash bolup kétidu, elwette. Merkizi kométét ben gung ting’diki katiplarning köpinçisi herqaysi uniwirsititlarni püttürüp téqsim qilinghan oqughuçgilar bulup, köpinçisi bashqa ölke, wilayetlik. Her qétimliq muhim yighinlar mezgilide, yurtidiki we bashqa ölkilerdiki yerlik emeldarlar yeni ölke bashliqidin tartip nahiye hakimighiçe bolghan emeldarlar çong soghilar bilen, bu katiplarni yoqlap kelidu. Katiplar bu emeldarlarning özining Beijingdiki adrisini qandaq tépip kelgenlikige heyran bolushqan. 10 yilning aldida, bu katiplar yil boyi, turmushqa bir tiyinmu serp qilmighan, sewebi yerlik her derijilik emeldarlar ularni turmush istimal buyumliri bilen teminleshni höddige éliwalghan bulup katiplar ihtiyajidin ashqinini urugh-tughqan, el-aghinilirige bergen. Bügünki künge kelgende, ular bu hil turmush buyumlirigha nezirini salmaydighan bolghan.
Bu kishiler, Beijingda katipliq derijisidiki hökümetning öyliride olturghini bilen yurtlirida ajayip heshemetlik çetel posundiki himaretlerni alliqaçan saldurup bolushqan. Shularning içidiki bir katip eymenmestin mundaq digen < bizning hazir hiçqandaq nersige hajitimiz yoq, öy - zimin, mashina, mal-dunya, seteng qiz-çokanlar........nime disek shu bar.> Katiplar bu derijige yetken yerde, yuquri derijidiki emeldarlar qaysi derijige yetkendu ?
Hitay kommunisttik partiyisi yéqinda muawin bölüm derijilik kadirlar, sowgha qubul qilsa para alghan qatarida bir terep qilish toghrisida içki <uqturush> çiqarghan. Mahiyettin körünüp turuptiki bu uqturush éqi qeghez, qarisi siyadin ibaret basgqa nerse emes. Eger bu uqturush ijra qilinsa, undaqta keler yilidiki 16 – qurultiyini éçish mumkin bolmaydu. Sehnidiki, töwendiki, hetta wekilnimu tapqili bolmaydu.
Hitay kommunisttik partiyisining tüzüm harektiridiki çiriklishshi Jiang Ze Min we keler ewlat kommunisttik partiye rehberlik yadroliqi duç keliwatqan eng çong kirizis.
Sherqiy Türkistan Informatsion Merkizi. |
