Doğu Türkistan Enformasyon Merkezi & Doğu Türkistan

Xi’ande Uygur Oqughuçilar Yene Tayaq Zerbisige Uçridi

< Sherqiy Türkistan Informatsiyon Merkizi > ning hewirige asaslanghanda, buyil 7 – ayning 8 – küni Hitayning Xian qatnash uniwersititide oquwatqan birqisim Uygur oqughuçilar mektep amanliqni saqlash hadimlirining basturup kirip kolliktip urghun qilishigha uçrap, ikki neper Uygur oqughuçi qattiq yarilanghan, yene 6 – 7 nepiri yénik yarilanghan.
Igellinishiçe, bu qétimqi Weqening jeryani mundaq bolghan:
Shu küni mektep oqughuçilar ashhanisida tamaq waqtida bir Uygur oqughuçi bilen bir Hitay oqughuçi takalliship qalghan. Héliqi Hitay oqughuçining shikayet qilishi bilen, shu küni keçte mezkur mektepning bir top Hitay amanliqni saqlash hadimi Uygur oqughuçilarning yatiqigha basturup kirip, aq – qarini sürüshtürmestinla yataqtiki Uygur oqughuçilarni kolliktip halda qattiq ur – ur qilghan. Netijide ikki neper Uygur oqughuçi qattiq yarilanghan we yene 6 – 7 neper oqughuçi yénik yarilanghan.
Bundin burunmu Xiandiki çang’an uniwersititida 200 ge yéqin Uygur oqughuçi 3000 din artuq Hitay oqughuçining hujumigha uçrap, köpligen Uygur oqughuçilar yarilanghan, weqedin kéyin, mektep da’irliri Hitay oqughuçilarning jawapkarliqini sürüshtürüsh uyaqta tursun, eksiçe < ölmekning üstige tepmek > digendek, 13 neper Uygur oqughuçigha jaza bergen we birqançisini mekteptin heydigen idi.
Hitayning içkiri ölkiliridiki ali mekteplerge oquwatqan bezi Uygur oqughuçilarning inkas qilishiçe, hazir içkiridiki ali mekteplerde Hitay oqughuçilarning we yerlik Hitay puhralirining Sherqiy Türkistanliq oqughuçilarni kemsitidighan, haqaretleydighan we her yerde bozek qilip urup – soquwalidighan ehwallar héli omomliship qalghan. Bu mekteplerde yüz bergen her qétimliq milliy toqunushlarda mektep da’irliri we qanun tarmaqliri gherezlik halda Hitay oqughuçilarning teripini tutup, Uygur oqughuçilarni bésip bergeçke, Hitay oqughuçilarning horiki téhimu ösüp ketken. Hazip köpligen ali mekteplerde Uygurlarni haqaretleydighan we Uygur oqughuçilarning Sherqiy Türkistangha qaytip kétishi telep qilinghan sho’arlar pat – pat körülüp turghan. Bolupmu internet sehipiliride, Uygurlar éghir derijide haqaretlengen we kemsitilgen maqalilar élan qilinishqa bashlighan.