Doğu Türkistan Enformasyon Merkezi & Doğu Türkistan

Tibetlikler Olimpik Tenherket Yighinining Hitayda Ötküzülishige Qarshi Açliq Élan Qildi

Öz hewirimiz: 7 – ayning 1 – küni çetellerde paaliyet élip bériwatqan Tibetlikler 2008 – yilliq olimpik tenherket yighinining Hitayning Beijing shehride ötküzilishige naraziliq bildürüsh yüzisidin Hindistanning Darisalam shehride keng kölemde açliq élan qilish paaliyiti ötküzdi. Tibet sergerdan hökümiti qarmighidiki Tibet yashlar qurultiyi, Tibet demokratik partiyisi ... qatarliq 9 teshkilat teripidin teshkillengen buqétimqi açliq élan qilish paaliyitige, Hindistan, nepal we butanda yashawatqan minggha yéqin Tibetlik qatnashti.
Bu qétimqi paaliyet shu küni etigen saet 10 lar etrapida darisalam meydanida bashlandi, açliq élan qilishqa qatnashqanlarning çongi 85 yash, kiçiki 7 yashta bolup, açliq élan qilish herikitini qollash meqsidide Amerika, Firansiye, Kanada qatarliq döletlerde waqitliq qurulghan alaqe ponkitlirining mes’ulliri we Tibet sergerdan hökümiti çonglar ma’arip mektiwining 150 neperdin artuq oqughuçisimu açliq élan qilish herikitige ishtirak qildi.
Yuqarqi paaliyet jeryanida 5 metir uzunluqtiki bir parçe aq rehitke qan bilen imza etish herikiti elip berildi. Qan bilen imza etilghan bu reht 7 – ayning 13 – küni olimpik tenherket komititigha iwétip berilmekçi.
Bundin burunmu yawropadiki Uygur, Tibet, mongghul we demokratik Hitay teshkilatliri, 2008 – yilliq olinpik tenherket yighinining beyjingda ötküzülishige naraziliq bildürüsh yüzisidin Austiraliyening Viyana we Shwitsariyening Lozan sheherliride ötküzülgen naraziliq namayishlirigha qatnashqan we dunya olimpik tenherket komititigha kommunist Hitay hakimiyitining insan heqliri tajawuzçiliq qilmishliri éyiplengen hem pash qilinghan naraziliq mektuplirini yollighan idi.
Yuqarqidin bashqa yene bezi helqaraliq insan heqliri teshkilatliri we ammiwi teshkilatlarmu kommunist Hitay hakimiyitining Uygur, Tibet qatarliq azsanliq milletlerning insani heq – hoqoqlirini qattiq depsende qiliwatqanliqini bayan qilip, 2008 – yilliq olimpik tenherket yighinining Hitayda ötküzülishige etiraz bildürüp kelmekte.