|
Hitay Hökümiti Milliy Kadirlarnimu < Muqimsizliq Amili > Dep Qarimaqta
< Sherqiy Türkistan Informatsiyon Merkizi > ning wetendiki ishençilik qanallardin igellishiçe, Hitay merkizi hökümiti Sherqiy Türkistanda dinniy mesilidin bashqa yene her derijilik milliy kadirlarnimu < Xinjiangdiki muqimsizliq amillirining biri > dep qarashqa bashlighan. Bolupmu kéyinki yillardin buyan Sherqiy Türkistanning jenobi rayonlirida yüz bergen milliy heriketlerde bezi Uygur kompartiye ezaliri we qismen yéza kadirliriningmu aktip rol oynighanliqi, kommunist Hitay hakimiyitining bu jehettiki endishisini téhimu ashurghan. Shunga Hitay hökümiti yéza asasi qatlam kadirlirigha bolghan bashqurushni küçeytish, mehsus belgilimilerni çiqirish arqiliq Uygur kompartiye ezaliri we milli kadirlarni nazaret qilishni çéngitish bilen birge, nahiye derijiliktin yuquri kadirlarni Türkümlerge bölüp Hitayning içki ölkilirige apirip mehsus terbiyidin ötküzüshni qarar qilghan hemde yéqinda nahiye derijilik 35 neper jadirni deslepki qedemde Hitayning Su Zhou shehrige terbiyileshke iwetken. Bular üçün partiye mektepliri we birliksep tarmaqliri mehsus derisliklerni tüzüp çiqqan bolup, Hitay merkizi hökümitining asasi meqsidi Sherqiy Türkistandiki milliy kadirlarning kompartiyege we kommunistik hakimiyetke bolghan sadaqetmenlikini ashurush iken.
|
