|
Sherqiy Türkistan Helqi Atalmish < Qattiq Zerbe Bérish > Herikitini, < Insan Heqlirige Ashkare
Tajawuz Qilish Herikiti > dep Qarimaqta
< Sherqiy Türkistan Informatsiyon Merkizi > ning wetendin igellishiche, kommunist Hitay hakimiyitining atalmish < qattiq zerbe bérish > niqawi astida yolgha qoyuwatqan qizil terorluq herikiti Sherqiy Türkistan helqini qattiq teshwishke sélipla qalmastin, ularning Hitay hakimiyitige bolghan naraziliqini hessilep ashurghan. Herket bashlanghandin buyan saqchi dairlirining peqetla quruq gumangha tayinip Uygurlarni türkümlep tutqun qilishi we héchbir delil – ispatqa tayanmastin we tutqun qilinghanlargha özini aqlash pursitimu bermestin ularni türlük éghir jazalargha höküm qilishqa bashlighanliqi, Uygur helqining qanungha we adletke bolghan ishenchisini tamamen yoqutishigha sewepchi bolghan. Bolupmu Hitay hakimiyitining oghri, qaraqchi, bulangchi we qatillargha, shundaqla Hitay puhraliri ichidiki jinayi ishlar jinayetchilirige zerbe bérishni bir chetke qayrip qoyup, omomen milliy we diniy hessiyati küchlükla bolghan Uygurlarning hemmisini < qattiq zerbe bérish > ning nishani qiliwalghanliqi, bu qétimqi < qattiq zerbe bérish > herikitining tüp meqsidining zorawan küch arqiliq Uygur helqini milliy we diniy héssiyattin uzaqlashturush we bu arqiliq Sherqiy Türkistan helqini atsimilatsiye qilish qedimini tézlitish ikenliki ashkarilinip turmaqta. Shunga her zaman birer bahane – sewep bilen tutqun qilinish hewipi astida qalghan Uygur helqi Hitay hakimiyitining atalmish < qattiq zerbe bérish > herikitini < Uygur helqining insani heq – hoqoqlirini ashkare depsende qilish herikiti > dep qarimaqta dunya jamaetchilikidin Hitayning buhil fashistik herikitini derhal tohtitishi üchün bésim ishlitishini ümit qilishmaqta. |
