Öz hewirimiz: merkizi Hitay hökümiti, < buyilliq memliket boyiçe bir tutash élip bérilidighan jinayi ishlar jinayetçilirige qattiq zerbe bérish herikiti jeryanida Xinjiangda asasi nishanni milliy bölgünçilerge we qanunsiz diniy unsurlargha qaritish kerek > dep buyruq çüshürgendin kéyin, Sherqiy Türkistandiki her derijilik qanun tarmaqliri, oghri – bulangçi, qatillarni asas qilghan jinayi ishlar jinayetçilirige zerbe bérishni bir çetke qayrip qoyup, tigh uççini milliy we diniy hessiyati küçlük bolghan bigunah Uygurlargha qaritishqa bashlidi. Bu heriket bashlinishi bilenla Sherqiy Türkistanning herqaysi rayonlirida minglighan Uygur quruq töhmet we böhtanlar bilen tutqun qilinish bilen birge, heçbir délil – ispatsizla Türkümlep ölüm jazalirigha we türlük éghir qamaq jazalirigha höküm qilinishqa bashlidi.

Qeshqerde

4 – ayning 26 – künidin 29 –künigiçe:

< Qeshqer geziti > ning hewirige asaslanghanda, < qattiq zerbe bérish > herikiti bashlinip birqançe kün içidila, yeni 4 – ayning 26 – künidin 29 – künigiçe Qeshqer wilayiti boyiçe 186 Uygur < milliy bölgünçi, qanunsiz diniy unsur > digen böhtan bilen qolgha élinghan bolup, bularning içidiki 153 nepiri heçbir délil – ispatsizla ölüm jazasigha, muddetsiz we muddetlik qamaq jazalirigha höküm qilinghan. Peqet 4 – ayning 26 – küni Qeshqerde éçilghan birqétimliq oçuqsot yighinidila 6 neper Uygur ölüm jazasigha höküm qilinip étip öltürülgen.
Ölüm jazasigha höküm qilinghanlar içide Qeshqerlik Ablimit Memet, Ehmet Tursun, Abdugheni Semet qatarliq yashlar bar. 
< Sherqiy Türkistan Informatsiyon Merkizi > ning wetendin biwaste igellishiçe, 4 – ayning 26 – küni keçte, yeni Qeshqerde tunji qétim oçuq sot yighini éçilghan küni ahshimi 3 neper Hitay puhrasi namelum kishiler teripidin piçaq bilen bughuzlap öltürülgen.
< Sherqiy Türkistan Informatsiyon Merkizi > ning Hitayning içki höjjetlirige asaslinip turup bergen melumatida bayan qilinishiçe, Hitay hökümiti 4 – ayning 26 –künidin 5 – ayning 7 –künige qeder 1510 saqçi we 602 mashinini sepewer qilip, Qeshqer boyiçe minggha yéqin Uygurni < milliy bölgünçi, qanunsiz diniy unsur > digendek böhtanlar bilen qolgha alghan.
( izahat: Hitay < hökümitining atalmish < qattiq zerbe bérish > herikiti ahirlashqangha qeder mezkur sehipimizde Qeshqer rayonidiki hadisiler heqqide dawamliq melumat bérishqa tirishimiz, bu sehipimizni izdep turung )

Ilida

< Sherqiy Türkistan Informatsiyon Merkizi > ning wetemdin biwaste alghan melumatigha asaslanghanda, Sherqiy Türkistanda Atalmish < qattiq zerbe berish > herikiti bashlanghandin buyan, Ili rayonining siyasi weziyiti intayin jiddiliship ketken. Hitay hökümiti < tez gholgha élish, tez sotlash > siyasitini qollunup, birtereptin herqaysi nahiye we yézilarda atalmish < gumanliq unsurlar > digen nam bilen Uygur yashlirini türküm – türkümlep qolgha alsa, yene bir tereptin hechbir delil – ispatqa tayanmayla qolgha élinghan bigunah Uygurlarni ölüm jazasigha we türlük qamaq jazalirigha höküm qilishqa bashlighan. 
4 – ayning 21 – küni ili ottura sot mehkimisi ochuq sot yighini éçip, 13 neper Uygurni < milliy bölgünchi, qanunsiz diniy unsur > digendek namlar bilen ölüm jazasigha höküm qilip étip ölturgen. Bu qétim ölüm jazasigha höküm qilinghan bir qisim yashlarning isim – familisi töwendikiche:

1. Tudahun Tudahun
2. dilxatbek Tursun
3. Azat Munar
4. Yasinjan
5. Yarmemet Imin
6. Tursuntay Memet
7. Zeydin Kenji

Yuqarqilardin bashqa yene < qattiq zerbe berish > herikiti bashlan’ghandin buyan Ili rayonidiki herqaysi sot mehkimiliri köpligen Uygur yashlirini muddetsiz qamaq jazasigha we türlük éghir qamaq jazalirigha höküm qilishqa baashlighan.

4 – ayning 28 – küni Ghulja shehri etrapidiki Yengiyer yézisidin 4 neper Uygur yash Hitay saqchiliri teripidin < milliy bölgünchilerge hésdashliq qilghan > digen töhmet bilen qolgha élinghan bolup, ularning isim – familisi töwendikiçe:

1. Saswutjan, 26 yash
2. Ablimit Qarim, 30 yash
3. Ömer Qarim, 25 yash
4. Polat, 35 yash

5 –ayning 1 – küni: Ghulja sheher etrapidiki Dadamtu, Noghaytu, Aqtöpe qatarlik yézilardin < milliy bölgünchilerge hésdashliq qilghan > digen töhmet bilen yene 11 neper Uygur yash qolgha élinghan bolup, ularning isim –familisi tehi bizge namelum.

Korlida

4 – ayning 27 –küni:

< Sherqiy Türkistan Informatsiyon Merkizi > ning wetendin biwaste igellishiçe, 4 – ayning 27 –küni çüshtin burun saet 10 da Korla ottura sot mehkimisi oçuq sot yighini éçip, 50 neper kishi üstidin höküm élan qilghan. Bularning içide 6 neper Uygurgha < milliy bölgünçi >, < dölet biheterlikini buzghan we qanunsiz diniy paaliyet bilen shughullanghan diniy unsur > digen nam bilen ölüm jazasi bérip étip öltürgen. 
Ölüm jazasigha höküm qilinip étip öltürülgen Uygurlarning isim – familisi töwendikiçe:

1. Tahir Awut
2. Enwer Nasir
3. Kirem Qasim
4. Ahmet Qurban
5. Tohti Memet
6. Kurban Abdurehim
( izahat: Hitay < hökümitining atalmish < qattiq zerbe bérish > herikiti ahirlashqangha qeder mezkur sehipimizde Korla rayonidiki hadisiler heqqide dawamliq melumat bérishqa tirishimiz, bu sehipimizni izdep turung )

Hotende

4 – ayning 28 - küni

Atalmish < qattiq zerbe bérish > herikiti bashlanghandin buyan, Hitay saqçi dairliri Hoten wilayitining herqaysi nahiye we yézilirida öymu – öy ahturush élip bérip keng kölemde tutqun bashlighan we heçbir délil – ispatqa tayanmayla bigunah Uygurlarni türküm – türkümlep éghir jazalargha höküm qilishqa bashlighan.
4 – ayning 28 – küni Hoten nahiyilik ottura sot mehkimisi Hoten nahiyisining baghçi bazirida oçuq sot yighini éçip, 16 neper Uygurni < terrorist, milliy bölgünçi, qanunsiz diniy unsur > digen nam bilen türlük jazalargha höküm qilghan.
Buqétim höküm élan qilinghan bir qisim Uygurlarning isim – familisi töwendikiçe:

1. Abdurixit Obulhesen, 22 yash, Hoten nahiye Tewekkül yéza Qaratoghraq kentidin, diniy télim alghan, 9 yilliq qamaq jazasigha höküm qilinip, siyasi hoqoqidin bir yil mehrum qalduruldi.
2. Ehmetniyaz Metrozi, 34 yash, Hoten nahiyisining Laskuy yézisidin, 12 yilliq qamaq jazasigha höküm qilinip, siyasi hoqoqidin 4 yil mehrum qalduruldi.
3. Tursuntohti Ehmet, 27 yash, Hoten nahiyisidin, 10 yilliq qamaq jazasigha höküm qilinip, siyasi hoqoqidin 2 yil mehrum qalduruldi.
4. Tursun Ömer, 23 yash, Hoten nahiyisining yengi awat yézisidin, 10 yilliq qamaq jazasigha höküm qilinip siyasi hoqoqidin 3 yil mehrum qalduruldi.
5. Memet Abla islam, 26 yash, Hoten nahiyisidin, 10 yilliq qamaq jazasigha höküm qilinip siyasi hoqoqidin 3 yil mehrum qalduruldi.
6. Abdumijit Abdukerim,18 yash, Hoten nahiyisidin, umu 10 yilliq qamaq jazasigha höküm qilinip siyasi hoqoqidin 3 yil mehrum qalduruldi.
7. Jaffar, 18 yash, 13 yilliq qamaq jazasigha höküm qilinip siyasi hoqoqidin 2 yil mehrum qalduruldi.
8. Memetrozi Ehmet, 26 yash, Hoten nahiyisidin,15 yilliq qamaq jazasigha höküm qilinip siyasi hoqoqidin 5 yil mehrum qalduruldi.
9. Osman Sulayman, 23 yash, Hoten nahiyisidin, 15 yilliq qamaq jazasigha höküm qilinip siyasi hoqoqidin 4 yil mehrum qalduruldi.
10. Ehmettohti Abla, 27 yash, Hoten nahiyisidin, , 20 yilliq qamaq jazasigha höküm qilinip siyasi hoqoqidin 5 yil mehrum qalduruldi.
11. Tursun Qadir, 26 yash, Hoten nahiyisidin, , 14 yilliq qamaq jazasigha höküm qilinip siyasi hoqoqidin 2 yil mehrum qalduruldi.
( izahat: Hitay < hökümitining atalmish < qattiq zerbe bérish > herikiti ahirlashqangha qeder mezkur sehipimizde Hoten rayonidiki hadisiler heqqide dawamliq melumat bérishqa tirishimiz, bu sehipimizni izdep turung )

Turpanda

4 – ayning 24 – küni:

< Sherqiy Türkistan Informatsiyon Merkizi > ning < Turpan geziti > din neqil keltürüp hewer qilishiçe, 4 – ayning 24 – küni Turpan wilayetlik we sheherlik sot mehkimiliri oçuq sot yighini éçip, 13 neper Uygurni < Döletni parçilashqa urunghan unsur, qatil, bulangçi > digen betnamlar bilen türlük qamaq jazalirigha höküm qilghan. Ularning isim – familisi Töwendikiçe:
1. Tohti Hebibullah, ölüm jazasigha höküm qilindi.
2. Abdusemet Bekri, 10 yil 8 ayliq qamaq jazasigha höküm qilindi.
3. Abdurahman Kerem, 3 yilliq qamaq jazasigha höküm qilindi.
4. Wéli Abdurahman, muddetsiz Qamaq jazasigha höküm qilindi.
5. Ekber Abdurahman, 15 yilliq qamaq jazasigha höküm qilindi.
6. Ömer Memet, 7 yilliq qamaq jazasigha höküm qilindi.
7. Mömin Qadir, 11 yilliq qamaq jazasigha höküm qilindi.
8. Ömer Merdan, 3 yilliq qamaq jazasigha höküm qilindi.
9. Yüsüp Tusiyat, 10 yilliq qamaq jazasigha höküm qilindi.
10. Rejep Osman, 10 yilliq qamaq jazasigha höküm qilindi.
11. Gheni Éliniyaz, 6 yilliq qamaq jazasigha höküm qilindi.
12. Qahar Rozi, 3 yilliq qamaq jazasigha höküm qilindi.
13. Abdurehim kerem, 2 yilliq qamaq jazasigha höküm qilindi.
Yuqarqilarning asasliq qismi < Döletni parçilashqa urunghan > digen töhmet bilen qolgha élinghan.

4 – ayning 29 – küni Tohsun Nahiyiside :

4 – ayning 29 –küni çüshtin kéyin saet 4 te Tohsun nahiyilik sot mehkimisi nahiyediki tenterbiye meydanida < qattiq zerbe bérish boyiçe mehsus oçuq sot yighini > éçip, Gheni Tursun, Osman Menglik, Zibibulla Hebibulla qatarliq 24 neper Uygurni türlük qamaq jazalirigha höküm qilghan. Buqétimqi oçuq sot yiçinigha 1000 din artuq Uygur qatnashqan. Buqétim hökümge élan qilinghanlarning yéshi 59 – 19 yash ariliqida iken. Oçuq sot yighinida Nahiyilik jamaet hewipsizlik idarisining muawin bashliqi Jiang Maohung söz qilip, bu qétimqi neqmeydanda qolgha élip hokümge élan qilish yighinini Turpan wilayetlik partikom bilen héliq hökümitining bir tutash orunlashturishidiki < qattiq zerbe bérish herikiti > asasida élip bérilghanliqini we buhil heriketning yenimu jiddi türde élip bérilidighanliqini bayan qilghan.
( izahat: Hitay < hökümitining atalmish < qattiq zerbe bérish > herikiti ahirlashqangha qeder mezkur sehipimizde Turpan rayonidiki hadisiler heqqide dawamliq melumat bérishqa tirishimiz, bu sehipimizni izdep turung )

Aqsuda

4 –ayning 27 –küni:

< Sherqiy Türkistan Informatsiyon Merkizi > ning wetendin biwaste alghan melumatigha qarighanda, 4 – ayning 27 – küni Aqsu wilayetlik ottura sot mehkimisi < qattiq zerbe bérish boyiçe mehsus oçuqsot yighini > çaqirip, 5 neper Uygur yashni < milliy bölgünçi, qanunsiz diniy unsur > gigen nam bilen ölüm jazasigha höküm qilip étip öltürgen. Ularning isim – familisi Töwendikiçe:

1. Abdulla Ghojek
2. Eysa Tohti
3. Yüsüp Ehmet
4. Memet Ehmet
5. Abduqadir Memet

Yuqarqi yashlar ölüm jazasigha höküm qilinghandin kéyin, ularni 122 mashinida 300 esker we 400 saqçi jaza meydanigha yalap élip barghan we ularni étip öltürgendin kéyin, jesetlirini ailisidikilerge qayturup bermey, kengliki 6 metir, çongqurliqi 2 metir kélidighan ora kolap, jesetlerni üsti – üstige tashlap, ustini topa ittirish mashnisi bilen tüzliwetken. Ularning heçbir uruq – tuqqinini jaza meydanigha yéqin yolatmighan.
( izahat: Hitay < hökümitining atalmish < qattiq zerbe bérish > herikiti ahirlashqangha qeder mezkur sehipimizde Aqsu rayonidiki hadisiler heqqide dawamliq melumat bérishqa tirishimiz, bu sehipimizni izdep turung )