|
Hitay Soti Hemit Qatarliq 3 Uygur Yashqa Ölüm Jazasi Berdi
ETIC 19 – april öz muhbirimiz Baturning wetendin biwasta yollighan hewiri:
2001-yili 3- ayning 15- kuüni , atalmish Shinjiang Uygur Aptonum Rayoni Ili wilayetlik sot mehkimisi, Hemit Memet, Ilyas Zordun, Qasim Mehpir qatarliq üç Uygur yashqa, "döletni parçilshqa orunghan, qanunsiz qoral - yaraq saqlighan we dölet çégrisidin oghurluqçe ötken " digen eyipler bilen ölüm jazasi bérip ikki yil kéçiktürüp ijra qilish hökümini çiqardi.
Hemit Memet, Ilyas Zordun, Qasim Mehpir qatarliq bu üç Uygur yash esli, Sherqiy Türkistanning Ghulja shehridin bolup,
1998-yili 7-ayda Hitay saqçi dairliri
"milli bölgünçi " digen böhtan bilen ular üstidin tutush buyrughi çiqarghan
idi.
1998-yili 8-ayning 30-küni bu üç yash hayatini saqlap qélish üçün Qazaqistangha qéçip çiqip Qazaqistan hökimitidin siyasi panaliq tiligen bolsimu, Qazaqistan hökimiti ularning panaliq teliwini ret qilip, ularni Hitaygha tapshurup bérishke teyyarlandi. Shu çaghda, Qazaqistandiki we bashqa döletlerdiki Uygur jemiyetliri bu heqte heliqara keçurum teshkilatigha murajet yollighan, hemde Qazaqistan hökimitige bu üç yashni Hitaygha tapshurup bérish, ularni ölümge tutup bérish bolidighanlighini, Qazaqistanning bir demukratik dölet bolush süpiti bilen Hitayning jinayitige shérik bolmaslighini, bir Qazaq döliti bolush süpitide qérindash Uygur helqige wapasizliq qilmaslighi kérekligini qayta-qayta eskertken idi.
Epsuski Qazaqistan hökimiti Uygur jemiyetlirining murajatigha we helqara keçürüm teshkilatining agahlandurishigha qarimay 1999-yili 1-ayning 22- küni Hemit qatarliq uç Uygur yashni Hitaygha tapshurup bériwetken idi. Hitay dairliri ularni ikki yildin béri turmige solap, wehshi çarilar bilen qiynap, mejburi iqrar qildurup ahirda yuqurdiki adalesiz hökümni çiqarghan.
|
