|
"Qazaqistan Uyghur Teshkilatliri Uyghunlashturush Kengishi"ning reisi möhterem Mahmut Abdurahman Janaplirigha: 28 noyabir Qazaqistanda Weten millet dawasini qiliwatqan barliq Uygur teshkilatlirining ortaq ghaye we meqset bilen bir arigha kélip, "Qazaqistan Uygur Teshkilatliri Uyghunlashturush Kengishi"ni qurup çiqqanliqidin, shundaqla demokratik asasta janapliri bashliq 33 kishilik rehberlik heyitining saylap çiqilghanliqidin hewer tepip köp hursen boldum, men Milliy Qurultiyimizgha wakaliten janaplirini we uyghunlashturush kengishing barliq ezalirini çin yürigimdin tebrikleymen hem buningdin keyinki paaliyetliri üçün zor muwapiqiyetler tileymen! Huddi herbirlirige melum bolghinidek, nöwette Hitay hakimiyitining bizge qaratqan eng muhim meqsetlirining biri bizdiki öz ara söygü, ishenç tuyghulirini, arimizdiki birlik, barawerlik we hemkarliqni buzup, ahirqi hesapta parçilap yoq qilishtin ibaret. Shuning üçünmu Hitay dairliri Milliy mujadile sepimizdiki birlishishni özliri üçün eng tehdit dep qarimaqta. Yeqinqi mezgillerdin buyan Weten sirtidiki teshkilatlirimizning peydin pey birlishishke qarap yüzlengenliki, bolupmu 2 nöwetlik "Sherqiy Türkistan (Uyguristan) Milliy Qurultiyi"ning we arqidinla janapliri riyasetçilikidiki "Qazaqistan Uygur Teshkilatliri Uyghunlashturush Kengishi"ning barliqqa kelgenliki, düshminimiz Hitay musmélikiçilirining yuqurqi siyasiy süyqestini tarmar qilishta deslepki qedemlirimiz bolup hesaplinidu. Emdiki mesile, buningdin keyin bu Milliy birlikni qandaq qilip tehimu küçeytish we uzun muddet dawam qildurushtin ibaret! Tashqi dunyadiki Uygurlarning asasliq qismi Qazaqistanda yashimaqta, yene shundaqla Ili wadisining gherbige tutashqan bu el, helqimizning Milliy musteqilliq kürishide siyasiy we jughrapiylik jehetlerde intayin muhim strategiyilik ehmiyetke ige. Shuning üçün, Qazaqistandiki barliq Uygur teshkilatlirining buningdin keyin "Uyghunlashturush Kengishi" arqiliq pikir we heriket jehettin bidreklikni saqlap, bir yengdin qol çiqirip, milliy dawayimizni mas qedemler bilen élip bérishining, muqeddes milliy dawayimizni helqara siyasiy sehnilerge élip çiqishta hel qilghuç muhim rol oynaydighanliqigha ishençim kamil! Ahirida, herbirlirige Weten illet yolida birge ishlesh ümidimni tekitlesh bilen birge, siler arqiliq Qazaqistandiki pütün Uygur jamaitini yürektin salamlaymen! Çeksiz hörmet we
ehtiram bilen: |